MUNGSHIKHÜN 95:3 - AMÜSÜH HÜM CL Bible (BSI)

³ Tümüde Atungpuh ju ato Thrünpuh, tüsho thrünpuhbo alala kurungkheak ato kiulongthsürü ah.

MUNGSHIKHÜN 95:3 Iomraidhean Croise

NEHEMIA 8:6

Ezranü tha, “Wuto Thrünpuh, Atungpuh shiang!” Mihtsürübonü khah shuhkihde alo, “Amen, Amen!” Arü miro alo lim kheahbah, khukningde kingaün.

MUNGSHIKHÜN 104:1

Atungpuh shiang, O I me; O Atungpuh I Thrünpuh, nü khide tolah: nü a wüntre tüsho wüntre-müretah yihlah,

MUNGSHIKHÜN 135:5

Tümüde Atungpuh ju ato ah de inü mükheahlah, tüsho isa Tungpuh ju thrünpuhbo alala kurungkheak lah.

MUNGSHIKHÜN 145:3

Atungpuh ju ato ah, tüsho tode ashijihpü lah; tüsho api tokhi ju müyimkhitkhukbe lah.

MUNGSHIKHÜN 47:2

Tümüde Khide Achang Atungpuh ju atrebe lah; api ju alomi alala kurungkheak ato kiulongthsüpuh ah.

MUNGSHIKHÜN 47:3

Apinü mihtsürübo isa bukkhüp, tüsho trükshihbo isa jing khüp yüzahshihbah.

MUNGSHIKHÜN 96:4

Tümüde Atungpuh ju ato tüsho tode ashijihpü lah; api ju thrünpuhbo alala kurungkheak trepü lah.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

ABEKHIT 12:12

Tümütüsho ju tsüngre I Ijip lomi hode ayübah tüsho Ijip lomi ching adüjirü, mihtsürü tüsho shiwüh chido laksahbah; tüsho Ijip thrünpuhbo alala azhihde inü mahkhapbah: I Atungpuh ah.

ABEKHIT 18:11

Kheakü thrünpuhbo alala kheaknü Atungpuh atobe ah de inü mükheahlah; tümütüsho arünü kükheangde arhimochoki arü kumung api lakheah.”

ISAIA 44:8

Dajan, yungsho dütre; inü nü ki adüso chingnü mütha de yungsho mükhipkhit de? Nüsa I yumütsan thsürübo! I hobah püpü thrünpuh la shi? Ju ching Lung püpü müla; inü mükheahlah, she müla.

JEREMIA 46:18

Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

JEREMIA 48:15

Moab tüsho api kiutobo thsümünimrü atudo, tüsho api yo amokhitkhi athrününgtsüngbo alaksahpü ching yüdo, kiulongthsüpuhnü thachoh, shepü mung Wuto Atungpuh la.

DANIEL 4:37

Kheakü I, Nebukednezarnü yinmi kiulongthsüpuh shijih, wüntre jih tüsho müretahshih; tümüde api rhimobo alala alim tüsho api limrobo thiyuro; tüsho kükheangde atsahrü apinü thokheamkhuklah.

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

MATHI 5:35

yungsho alomi dütam, tümüde ju api jing dubopung; yungsho Jirusalem dütam, tümüde ju ato kiulongthsürü kiuto ah.

YUZÜNGTHALO 7:21

Nüsanü arü ki dümüyinsah; tümüde Atungpuh nüsa Thrünpuh, ato tüsho atrebe Thrünpuh nüsa bolung lah.