MUNGSHIKHÜN 94:9 - AMÜSÜH HÜM CL Bible (BSI)

⁹ Shepünü nükhün thrünkheanü, apinü musoba de? Shepünü mük thrünkheanü, apinü müngüba de?

MUNGSHIKHÜN 94:9 Iomraidhean Croise

MUNGSHIKHÜN 11:4

Atungpuh ju api amüsüh arüngyam ching lah, Atungpuh kiulongthsü-binkiu yinmi ching lah; apinü lüpdükhi ching mihtsürübo kheahchoh; tüsho arü tümü rhimochonü mükheahlah.

MUNGSHIKHÜN 17:3

Nünü I mulong rükakheah; nünü azhing ching I rhuakheah; nünü I rükakheah tüsho tümü müngü; I münnü neak müyihbeak de inü thado.

MUNGSHIKHÜN 34:16

Atungpuh miro ju alomi ching arü mülümkhitde akampü amütsü rhimorü azhihde lah.

MUNGSHIKHÜN 44:21

Thrünpuhnü ju müyimkhitba de? Tümüde apinü mulong ching rama lakhi mükheahlah.

ABEKHIT 4:11

Atungpuhnü api ki tha, “Shepünü mihtsürü mün thsüjihkhea? Shepünü mulo kikshihcho, yungsho nükhün peangshihcho, ngüshihcho yungsho mük dukshihcho? Ju I Atungpuh yung de?

MÜCHITMUDU 20:1

Yukhu ju luhmüne, amüshangbe ju arhungangüm, tüsho shepü hadürünü bephülapde tsochonü lümlung larü yung.

MÜCHITMUDU 20:12

Asopü nükhün tüsho angüpü mük ane chido Atungpuhnü thrünjihdo.

ISAIA 59:1

Kheahang, akhümkhitpü thsüde Atungpuh khah khide mükhih, yungsho asopü thsüde api nükhün müpeang.

EZEKIEL 35:13

Tüsho nünü I azhihde nü münnü nü küdah thsüde kükheanga lu, tüsho I azhihde nü yubo alü kamshih; inü ju sodo.

1 KORINT 12:17

Pang abümnü mük thsükhülaa, asopü küching laba? Abümnü asopü thsükhülaa, amünimpü küching laba?