MUNGSHIKHÜN 94:23 - AMÜSÜH HÜM CL Bible (BSI)

²³ Apinü arü kheak arü nihbuh mülimkhi hankihdo, tüsho arü nihbuh mihbukmuyuk ching arü dükheakshihbah; Atungpuh isa Thrünpuhnü arü dükheakshihbah.

MUNGSHIKHÜN 94:23 Iomraidhean Croise

2 KIULONG THSÜRÜ 19:7

Inü me khülang api kheak yukjihbah, junangde apinü neamneamrurukhi sobah tüsho anihbuh lomi lim yülobah; anihbuh lomi ching inü api nukshangnü akeamshihbah.’ ”

ESTER 7:10

Junangde Haman ju anihbuhnü Mordekai sheshihpü süksahdung thsükhi kheak zhinde sheshih. Jushu kiulongthsüpuh bukakhiukkhi keamlo.

ESTER 9:25

Tüshe Esternü kiulongthsüpuh miki yü, tüsho Hamannü lümkhi akhüh Jihudarü sheshihpü thsükhi ju anihbuh sheloshihpü kiulongthsüpuhnü thiyukhüm thrüta ahiuh–api tüsho atsührübo süksahdung kheak zhinde sheshih.

MUNGSHIKHÜN 109:20

Ha I amülim jihrü tüsho I azhihde amütsü asukrü kilim Atungpuh thsambah thsüshang.

MUNGSHIKHÜN 12:3

Atungpuhnü münjipjip tüsho kükheangkhi mulo aban zhikde kamshang,

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MUNGSHIKHÜN 64:8

Arü mulo dünkheaknü apinü arü kheak athsümünim handarübah; arü ngürü alalanü arü kubo angambah.

MUNGSHIKHÜN 7:16

Api rhimo-amütsü anihbuh kheak arülochoh, tüsho apinü athsümünimkhi aku kheak akihchoh.

MÜCHITMUDU 1:31

jumonü nünü tümü thülünlanü ju nü ngübah, tüsho nü rhimobonü nü tukhsüshihbah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

MÜCHITMUDU 2:22

tüshe mihbukmuyuk a alomi chingnü adükheakshihbah tüsho thiyuro mülarü ju chingnü arukkhitbah.

MÜCHITMUDU 5:22

Mihbukmuyuk mihtsürü ju nihbuh amülimbo ching phuhchoh, tüsho anihbuh neak liubo ching api phuh-a lah.

MÜCHITMUDU 5:23

Thsangdan mülakhinü api ashebah, tüsho nihbuh makhakhi ato ching api tsophülapbah.

JEREMIA 36:31

Tüsho inü arü mülimkhi dün api le atsührü tüsho ayamlarübo thsümüchibah; inü arü le Jirusalem ching larü tüsho Juda mihtsürü kheak inü arü azhihde athakhi thsümütsü alala handarübah, tümütüsho arünü mani.

EZEKIEL 18:24

Tüshe mürangkhüh thiyurolungki mihtsürü khülangnü nihbuh thiyuro-lungki chingnü rholo tüsho neak yihbeaksho tüsho mihbukmuyuk mihtsürünü arhimokhi rukhüh athraneanbe rhimosho, api alaba de? Api thiyuro-lungki rhimokhi tümü she mülümkhit. Tümütüsho api thiyuro mülakhinü mülimde lah tüsho apinü neak yihbeakkhinü, api ashebah.

DANIEL 7:24

Shihjuh thürü ju kiulongthsü chingnü kiulongthsürü thürü asürübah, tüsho arü dunglim püpü asürübah. Api ju akhuhrübo kheaknü büthsü labah, tüsho kiulongthsürü mahsam ayoshihbah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

MAHKHAPRÜ 9:57

Tüsho Thrünpuhnü Shekem mihtsürü amütsü-rhimo alala arü ku kheak jihlo, tüsho Jerubbaal tsührü Jotham muthrumünean arü kheak arü.