MUNGSHIKHÜN 94:13 - AMÜSÜH HÜM CL Bible (BSI)

¹³ junangde mihbukmuyuk thsungkheak alokhün mükiuyi khiungde küpkhuk nimungbo chingnü nünü api sühakhim jihbah.

MUNGSHIKHÜN 94:13 Iomraidhean Croise

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 49:5

Tümüde inü küpkhuk kim ching, I riribonü zündochoki trepü,

MUNGSHIKHÜN 55:23

Tüshe O Thrünpuh, nünü arübo athsümünim shingkung ching hande ayüzahbah; mihlaksahrü tüsho mülapmüji mihtsürü arü nimungbo chamkhüh she alapü yung; tüshe I a nü kheak kinbah.

MUNGSHIKHÜN 9:15

Trükshihbo arünü akiukhi shingkung ching keamyuk; arü zheang ching arü phuhdo.

JEREMIA 18:20

Atsü ju amütsünü ashakloba de? Tütüshe arünü I rhangdung thsungkheak alokhün khülang kiudo. Künangde I nü miki zhipkheanü, arü thsungkheak asukpü, arü kheaknü nü bukakhiukkhi rholode atsopü lümkhitjang.

JEREMIA 18:22

Nünü mihjimrü arü azhihde handarüchoki, arü yambo chingnü azhikhi soshang! Tümüde arünü I tholopü alokhün kiua lah, tüsho I jing phuhpü qimürip zolah.

HABAKKUK 3:16

Inü sochoh, tüsho I mulong ching thukthukchoh; düsheaknü I münküpbo niukchoh. I robo ching ashuh yüzahchoh, tüsho I jingbo ajanchoh. Isa yanrü mihtsürü kheak thsümütsü nimung arüpü thsungkheak inü zhikde aleangchoh.

IBRI 4:9

Junangde Thrünpuh mihtsürübo thsungkheak amuni sühakhim aninga lah;

2 PETER 2:9

tüsho junangde arü rükaki chingnü akinrü bekhitpü tüsho mahkhap nimung thsungkheaknü mihbukmuyuk athsümüchi khüp zopü Atungpuhnü mükheahlah,

AMIKHEAKAKHIUKKHI 11:18

Trükshihbonü bukakhiuk tüsho nü mulong zhipzhip, asherü mahkhappü kim arü, tüsho nü tankihrübo, wukihrübo tüsho amüsührü, nü mung trerü, anini tüsho ato chido thsambah jihpü, tüsho alomi thsümünimrü dükheakshihpü lah.”

AMIKHEAKAKHIUKKHI 14:13

Judüki yinmi ching düsheak achangnü athakhi inü so, “Ha thrütang: Kheakünü rünbah sherü Atungpuh tankihkhi ching shebanü müngühmühi.” “Am,” Menü alo, “arü khisahkhi chingnü arü sühakhimbah, tümüde arü rhimobo arü dunglim yüchoh!”