MUNGSHIKHÜN 94:10 - AMÜSÜH HÜM CL Bible (BSI)

¹⁰ Shepünü trükshihbo khuhlanga huhchonü, shepünü mükheahmudu thsangyuchonü, apinü müthsülangba de?

MUNGSHIKHÜN 94:10 Iomraidhean Croise

JOB HU H T ANYU 28:28

Tüsho apinü mihtsürü ki tha, “Tsükjide, Atungpuh wüntrekhi ju lümlung ah; tüsho amütsü-rhimo chingnü achamkhipü ju anikhitkhi ah.”

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 35:11

shepünü alomi shiwühbo kheaknü alü isa ki thsangyucho, tüsho thüning wuhnubo kheaknü alü isa lümlung lashihcho?”

MUNGSHIKHÜN 10:16

Atungpuh ju lünnü lün kiulongthsürü; api lomi chingnü trükshihbo dükheakbah.

MUNGSHIKHÜN 119:66

I ki mahkhap atsü tüsho mükheahmudu thsangyuang, tümüde inü nü yukhümbo ching kinchoh.

MUNGSHIKHÜN 149:7

trükshihbo kheak royimpü, tüsho mihtsürübo kheak thsümüchi lapü;

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 9:5

Nünü trükshihbo thürüh, nünü mihbukmuyuk thsümünim; nünü arü mung lün thsungkheak nankhita bah.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 28:26

Tümüde apinü thiyuro mahkhap anihbuh ki thsangdanchoh; anihbuh Thrünpuhnü api thsangyuchoh.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

EZEKIEL 39:21

Inü trükshih bolung I müretah huhbah; tüsho inü mahkhapkhi tüsho arü kheak I khah yihkihkhi trükshihbonü angübah.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

HABAKKUK 3:12

Mulong zhipzhip ching nünü alomi jung, bukakhiukkhi ching nünü trükshihbo thrüm.

JOHAN 6:45

Ha wukihrübonü thrüta lah, ‘Tüsho arü alala Thrünpuhnü thsangyubah.’ Jumonü Abuh kilimnü asorü tüsho anikhitrü abannü I kilim arüchoh.