MUNGSHIKHÜN 93:2 - AMÜSÜH HÜM CL Bible (BSI)

² Nü kiulongthsü-binkiu adüsonü thsüa lah; nü a akheam mülade lah.

MUNGSHIKHÜN 93:2 Iomraidhean Croise

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

MUNGSHIKHÜN 45:6

O Thrünpuh, nü kiulongthsü-binkiu lünnü lün lah; thiyuro-lungki tso ju nü kiulongthsü tso lah.

MUNGSHIKHÜN 55:20

Api ki mungtsü larü azhihde api khah chungkih; apinü nihbuh tangzüng thsümünim.

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

DANIEL 4:34

Küyimki ju kim hokhea, I Nebukednezarnü yinmi lim abinkih-a kheah, tüsho I lümlung I kilim alodarü. Inü Khide Achangbuh müngühjih tüsho shijih tüsho lünnü alabuh wüntre jih. Tümüde api yakzan shuhkhi ju akheam müla yakzan shuhkhi lah, tüsho api kiulongthsü ju lün chingnü lün lachoh.

DANIEL 7:9

Inü kheahde lachoki, kiulongthsübinkiubo adangpung ching zo tüsho lün labuhnü api binkiu kheak bin, api khimmih ju phürüm nangde müyedo la, tüsho api kuyü ju alamlam hing müthsün nangde; api binkiu ju mo trukhi lakheah, tüsho lolungbe-jingbo ju mo takkhi lakheah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

IBRI 13:8

Jisu Khrista ju yini, khihni tüsho lünnü rukhüh ah.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”

AMIKHEAKAKHIUKKHI 2:8

“Tüsho Smyrna borü ching yunirü kilim thrütang: ‘Atankih tüsho akheam, shebah arhang kambuh yubo.