MUNGSHIKHÜN 93:1 - AMÜSÜH HÜM CL Bible (BSI)

¹ Atungpuhnü kiulongthsüchoh, api ju wüntre-müretah yihlah; Atungpuh yihlah, api sühmühnü züt thsülah. Tsükjide alomiküp ju maphapkhukpü thsüde thsüa lah.

MUNGSHIKHÜN 93:1 Iomraidhean Croise

1 KIUTHSÜYUKHEAN 16:30

alomi alalanü api miki ajanang. Alomiküp ju düküngde thsüa lah; ju küyimkishe matrüt.

1 KIUTHSÜYUKHEAN 16:31

Thüningbo asühang, tüsho alominü asühachihang, tüsho arünü trükshih bolung thashang, “Atungpuh ju kiulongthsüpuh!”

1 KIUTHSÜYUKHEAN 29:12

Lakhit tüsho wüntrepü nü kilimnü arüchoh, tüsho nünü alala kurungkheak yakzan shuhchoh. Nü khah ching wu-sühmüh tüsho wuto lah; tüsho alala kilim toshihpü tüsho sühmüh jihpü nü khah ching lah.

JOB HU H T ANYU 40:10

Jude a sho wüntre-müretah tüsho akinashunü nü züt thsang; müretah tüsho atsüdak phuyuang.

MUNGSHIKHÜN 103:19

Atungpuhnü api kiulongthsü-binkiu yinmi ching thsüa zolah, tüsho api kiulongthsünü alala kurungkheak yakzan shuhchoh.

MUNGSHIKHÜN 145:13

Nü kiulongthsü ju akheam müla kiulongthsü, tüsho nü yakzan shuhkhi lün alala ching rünkhiungde lah.

MUNGSHIKHÜN 18:32

Thrünpuhnü sühmüh hode I züt thsüjih, tüsho I limro banthsangshih.

MUNGSHIKHÜN 59:13

nü bukakhiukkhi ching arü muyuang; shahde arü muyuang, junangde Israel ching Thrünpuhnü yakzan shuhchoh, tüsho api yakzan alomi alala khiungde lah de mihbüm abannü amükheahbah.

MUNGSHIKHÜN 65:6

shepünü nihbuh sühmühnü awungbo, wunü züt thsübah lashih;

MUNGSHIKHÜN 65:7

nünü ketobo abükde arungkhi, tüsho mihtsürübo arhunganimkhi keamloshih.

MUNGSHIKHÜN 75:3

Alomi tüsho ju ching lakhi alala niukrua lah; inü dungjingbo düküngde khimlah.

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

MUNGSHIKHÜN 97:1

Atungpuhnü kiulongthsüchoh; alominü asühachihshang; mükhebinkhi kekung-lobonü asühachihshang!

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ISAIA 11:5

Thiyuro-lungki api shahmo-rümbe thsübah, tüsho athülünkhinü api chimrümbe thsübah.

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:18

Tümüde Atungpuhnü ha thachoh, shepünü thüningbo thrünkhea, api Thrünpuh ah; shepünü alomi kamshihkhea tüsho athsükhea, apinü thrünkihdo; apinü akeangkeang zopü müthrün, apinü alashihpü kamshih: I Atungpuh tüsho püpürü müla.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 51:16

Inü nü mün ching I yubo yukjihdo, tüsho I khah me khüp nü jikshihdo, thüningbo jashihde tüsho alomi khimtande, tüsho Zion ki tha, “ Nü I mihtsürü ah.”

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

ISAIA 59:17

Treangkhümbe nangde apinü thiyuro-lungki yih, tüsho api ku kheak akhümkhit kuthran thran; apinü khimmih thsungkheak royimkhi khimmih phuyu, tüsho khimniuniu ching nangde bukakhiukkhi ching hingthülang.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

IBRI 1:8

Tüshe atsührü dünkheak apinü tha, “O Thrünpuh, nü kiulongthsü lünnü lün labah, tüsho thiyuro-lungki tso ju nü kiulongthsü tso lah.

AMIKHEAKAKHIUKKHI 19:6

Judüki yimto ato düsheak nangde, ke ahihdo arungkhi nangde, tüsho tsüngmukbo ato düsheak nangde zhide inü so, “Halleluya! Tümüde Atungpuh isa Thrünpuhnü kiulongthsüchoh.