MUNGSHIKHÜN 92:4 - AMÜSÜH HÜM CL Bible (BSI)

⁴ Tümüde nü rhimobonü I asühshih, O Atungpuh ; nü khah rhimobo dünkheaknü asühde inü khün thsübah.

MUNGSHIKHÜN 92:4 Iomraidhean Croise

MUNGSHIKHÜN 104:31

Atungpuh müretahkhi lünnü rünkhiungshang; Atungpuhnü api yubo ching asühshang.

MUNGSHIKHÜN 104:34

I tamkhüntamnü-lüm api ki niungde kamshang; inü Atungpuh lung asühbah.

MUNGSHIKHÜN 126:3

Atungpuhnü isa thsungkheak ato rhimodo, jumonü isa asühde lah.

MUNGSHIKHÜN 143:5

Inü awün nimungbo lümkhitchoh; inü nü rhimobo kheak lümakheahchoh; inü nü khah rhimobo lümzülümdochoh.

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 64:10

Thiyuro-lungkirünü Atungpuh lung asühbah, tüsho api kheak kinbah. Tüsho mulong alungki larü alala müretahbah.

MUNGSHIKHÜN 8:6

Nünü nü khah rhimo kurung yakzan shuhpü api kilim jih; nünü lüpdükhi api jing khüp zojih,

MUNGSHIKHÜN 90:16

Nü yamlarübo ki nü rhimo, tüsho arü tsührübo ki nü müretah akhiuka huhang.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

JOHAN 16:22

Jumonü nüsa kheakü mulong rozhak lah; tüshe inü nüsa ngülobah tüsho nüsa mulong asühbah, tüsho nüsa asühkhi shenü she nüsa kheaknü lude mutso.

2 KORINT 2:14

Tüshe Khrista ching kamruhroro akuk ngükhi ching isa bebuh, tüsho api mükheahkhi rhümthünea isa hode lüpdükhi ching bushihbuh Thrünpuh ki makshe jihang.

AMIKHEAKAKHIUKKHI 18:20

Anihbe kurungkheak asühachihang, O yinmi, O amüsührübo, amüsüh-thsangyurübo tüsho wukihrübo, tümüde Thrünpuhnü nüsa dünkheak anihbe azhihde mahkhapdo!