MUNGSHIKHÜN 92:3 - AMÜSÜH HÜM CL Bible (BSI)

³ aliu thürü kihkhi bingkhung tüsho bingshang khungde.

MUNGSHIKHÜN 92:3 Iomraidhean Croise

1 KIUTHSÜYUKHEAN 13:8

David tüsho Israel alalanü arü sühmüh alalanü, khündung khünyubo, bingshangbo, züpzüppü, larüpbo tüsho hulipungpungbo khungde Thrünpuh miki tsün.

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 23:30

Tüsho arünü yapsu abande Atungpuh kilim makshe jihde tüsho mungshi jihde azhipbah, tüsho junangde arelim she alabah,

1 KIUTHSÜYUKHEAN 25:6

Arü alala larüp, bingshang, tüsho bingkhungbo shuhbah Atungpuh yam ching khün khungde, Thrünpuh yam ching mukhungmüdan thsungkheaknü arü abuhnü khuhlangahuhkhi khüp lakheah. Asaph, Jeduthun, tüsho Heman arü kiulongthsüpuh yukhüm khüp lakheah.

2 KIUTHSÜYUKHEAN 20:28

Arünü bingshang le bingkhung tüsho hulipungpungbo shuhbah Jirusalem ching Atungpuh yam lim arü.

2 KIUTHSÜYUKHEAN 23:5

shihcham khülang kiulongthsüpuh yam ching labah, tüsho shihcham khülang Khimtan Ripit ki labah; tüsho mihtsürü alala Atungpuh yam khikzhakpung ching labah.

2 KIUTHSÜYUKHEAN 29:25

Apinü Levirübo larüpbo, bingshangbo, bingkhungbo shuhbah, David tüsho kiulongthsüpuh yo angürü Gad tüsho wukihbuh Nathan yukhüm yande Atungpuh yam ching bemukhung, tümüde thiyukhüm ju api wukihrübo hode Atungpuh kilimnü alakheah.

NEHEMIA 12:27

Jirusalem chipi müsüchoki, Levirü alala nihbuh lapung chingnü jiyuk, tüsho arünü larüp, bingshang tüsho bingkhungbo shuhbah makshe jihkhi khünbo thsü.

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 42:9

I tsungdojihrü, I Thrünpuh ki inü athabah, “Tümüde nünü I mih-a la? Tümüde I ririnü junokhinü I tüzhode ayüba?”

MUNGSHIKHÜN 57:8

Asürang I me! Asürang I bingshang tüsho bingkhung! Inü ani asürüshihbah.

MUNGSHIKHÜN 68:25

Khün thsürübo mikhuh yüdo, khün-khungbe kingrü ju dunglim yande yü; arü dükeak ching züpzüppü kingrü anünürübo lakheah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

1 SAMUEL 10:5

Ju dunglim nü Filistiarü binkheampung Gibeath-elohim ching arübah; ju ching, nü kiuto lim arüchoki, nünü wukihrü bokhüh bingkhung, züpzüppü, khungpi, tüsho bingshang khungde kingaün sadam limnü akikhi shorubah; arübonü müchitmudude aphaparabah.