MUNGSHIKHÜN 92:15 - AMÜSÜH HÜM CL Bible (BSI)

¹⁵ Atungpuh ju alungki de akhipkhitpü labah; api I lungto, tüsho api kheak thiyuro-mülungkikhi tümü müla.

MUNGSHIKHÜN 92:15 Iomraidhean Croise

JOB HU H T ANYU 34:10

Jumonü, I ki aniang, nüsa lüm larübo, Thrünpuhnü mihbukmuyuk rhimobah dükhi ju limshuabahang. Tüsho Wutobuhnü amülim mürhimo.

MUNGSHIKHÜN 1:3

Api ju ayung yean mukhuhkhi sangdung khülang kiphahlah, akheahmünchi ching aso asochoh tüsho ayü yiuhamübah. Apinü arhimokhi alala ching akuk ngüchoh.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 62:6

Api lang I lungto tüsho I akhümkhit; api I chipi, I matrüt.

MÜCHITMUDU 10:27

Atungpuh trekhinü kutsüpchoh, tüshe mihbukmuyuk kambo dukkheamchoh.

ZEPHANIA 3:5

Ju ching lakhi Atungpuh ju thiyuro-lungki; apinü amülim mürhimo. Yapsu aban apinü mahkhapchoh, anipdokhün mülakphah; tüshe thiyuro mülakhinü achihbe tümü mümükheah.

ROMRÜ KILIM PAULNÜ ATHRÜTKHI KIHÜM HUHTANYU 9:14

Dale tüsho isanü tümü thaba? Thrünpuh kilim jakkheahkhi la shi? Jude yung!

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

YUZÜNGTHALO 34:7

Mosa shechoki api kam 120 lakheah. Api mük neamneam müla yungsho ju ruk lang api sühmüh lakheah.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching