MUNGSHIKHÜN 91:3 - AMÜSÜH HÜM CL Bible (BSI)

³ Tsükjide apinü nü wuhnu-thsürü qimürip, tüsho ashebe arüm chingnü abekhitbah.

MUNGSHIKHÜN 91:3 Iomraidhean Croise

2 SAMUEL 24:15

Jumonü Atungpuhnü ju yapsunü akhukhi kim khiungde Israelrü kheak arüm yüshih; tüsho mihtsürü 70,000 Dan chingnü Beersheba khiungde sheabah.

1 KIULONG THSÜRÜ 8:37

“Lomi ching khümzung, arüm, apung-tukthsü, mokri, tangkho, yungsho lungbün lasho; arü ririnü arü kiuto khürü ching lang she yansho; ju ching tümüpürü arüm yungsho tukthsü lanü;

MUNGSHIKHÜN 124:7

Isa mebo ju wuhnu-thsürübo qimürip chingnü wuhnu khülang nangde tsokhitdo; qimürip zhakdo tüsho isa tsokhitdo.

MUNGSHIKHÜN 141:9

Arünü I thsungkheak zokhi müthrim chingnü, tüsho amülim rhimorü zheang chingnü I kümang.

MUNGSHIKHÜN 68:21

Tsükjide Thrünpuhnü api riri kubo, arü neakbo ching yürü kuyü kihkhi thangphülang zünakbah.

MUNGSHIKHÜN 91:6

yungsho amiting ching lakhi arüm, yungsho animuro laksahbe athsümünim müla.

MÜCHITMUDU 6:5

Shihyanrü khah chingnü shihmüchi nangde, tüsho wuhnu-thsürü khah chingnü wuhnu nangde nü küdah thsüde akhiukang.

MÜCHITMUDU 7:23

hühzonü api müsan müchinkhityi khiungde; wuhnu khülang qimürip lim athride ayükhi nangde–hanü api rhangdung lubah de apinü mümükheah.

T H S AN GYU T H S AN GR ARÜ 9:12

Tümüde thsümütsü kim shenü mümüchitkhuk. Keang ching thüngüh phuhkhi nangde, tüsho qimürip ching wuhnu phuhkhi nangde, zukleangnü arü kheak keamchoh, thsümütsü kim ching mihtsürübo phuhchoh.

HOSEA 9:8

Wukihrü ju Ephraim aheangrü I Thrünpuh lung lah, tütüshe wukihrü limrobo alala ching qimürip lah, tüsho api Thrünpuh yam ching mükthsü lah.

AMOS 3:5

Qimürip thsüa muzode wuhnu ju qimürip ching phuhcho de? Tümü muphuhde qimürip ju keamcho de?

1 TIMOTHI 6:9

Tüshe sherünü alarü kampü künchonü rükaki ching, azheang ching tüsho makhade mihtsürü thokheambe tüsho athsümünimbe ahihdo ching yüzahchoh.

2 TIMOTHI 2:26

tüsho arübo ju api lümkhi rhimoshihpü ramkhi amünean zheang chingnü atsokhitbah.