MUNGSHIKHÜN 91:15 - AMÜSÜH HÜM CL Bible (BSI)

¹⁵ Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MUNGSHIKHÜN 91:15 Iomraidhean Croise

JOB HU H T ANYU 12:4

I müyamrübo ki I a münedung khülang ah; inü Thrünpuh ki jibah apinü alojihjih she– thiyuro tüsho areak mükihde lalashe, I a münedung khülang ah.

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 138:7

I küpkhuk bolung tsahtsah she, nünü I thsüphulojihbah; nünü I riribo bukakhiukkhi azhihde nü khah chungkihbah, tüsho nü khah tsülimnü I khümkhitbah.

MUNGSHIKHÜN 18:15

O Atungpuh , nünü athürühchoki, nü nupung chingnü sheak mütchoki keto rubo ngüde kam, tüsho alomiküp khimtan aleangkheak lakheah.

MUNGSHIKHÜN 23:4

I amiting asük hode yüyü she, Atungpuh , inü mütre, tümüde nü I lung lah. Nü namfimihnu neakrü tso tüsho shitsonü I kümdochoh.

MUNGSHIKHÜN 37:40

Atungpuhnü arü rungbah tüsho bekhitbah; apinü arübo mihbukmuyuk kheaknü bekhitbah tüsho khümkhitbah, tümütüsho arünü api kheak kin.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 65:24

Arünü müjiyide inü alobah, arü asukachihde lachoki inü asobah.

JEREMIA 33:3

I ki jiang tüsho inü nü ki alobah, tüsho nünü mümükheahkhi ato tüsho aramyu nü ki thabah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 12:43

tümüde arünü Thrünpuh mungshi kheaknü mihtsürü mungshi alü muzhodo.

JOHAN 16:32

Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

JOHAN 5:44

Nüsa khülangnü khülang wüntre luachihchoh tüshe Thrünpuh kilimnü arükhi wüntre müyimde nüsanü küde thsah akinpü?

2 TIMOTHI 4:17

Tüshe Atungpuh I ki zhip tüsho khiungkerü alalanü asopü thsüde thiyusheak suhde azhiyukpü I kilim sühmüh jih, junangde kekhüzü mün chingnü I khümkhitdo.

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 PETER 3:22

shepü yinmi ching yü tüsho Thrünpuh khah tsülim la–yunirübo lungnü, thiyukhüm-sühmüh tüsho wubonü api ki anide lah.

1 PETER 5:4

Tüsho küyimki namfimihnu neakrü atobuh arübanü amükheambe müretah kuthran nüsanü angübah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.

1 SAMUEL 2:30

Jumonü Atungpuh Israel Thrünpuhnü thachoh: ‘Nü yamkhün tüsho nüsa jipürü yamkhün lünnü I miki yüzahbah tüsho awukhiukbah de inü thiyuchihchim thsü’; tüshe kheakü Atungpuhnü thachoh: ‘I kheaknü limshuabahang; tümüde shepünü I wüntrecho inü wüntrebah, tüsho shepünü I khenochonü junode arhimobah.