MUNGSHIKHÜN 90:5 - AMÜSÜH HÜM CL Bible (BSI)

⁵ Nünü arübo düchi nangde zünde tso; arübo milim khülang nangde lah. Yapsu arübo chinde yükihkhi rim nangde lah:

MUNGSHIKHÜN 90:5 Iomraidhean Croise

JOB HU H T ANYU 20:8

Api milim khülang nangde phinde atsobah tüsho müngü; azhing michih nangde arübo kheamabahchoh.

JOB HU H T ANYU 22:16

Arübo arü kim mukhiungde tsoabahdo; arü khimtanbo kekingnü müsühabahdo.

JOB HU H T ANYU 4:20

Yapsunü are khiungde arü thsümünimchoh; shenü mümükheahde lün thsungkheak arü dükheakchoh.

JOB HU H T ANYU 9:26

Arübo athukhi sangkung nangde, müleangnü shiwüh kheak keamkhi nangde yüchoh.

MUNGSHIKHÜN 73:20

Khürü asürüchoki milim khülang nangde, jumonü Atungpuh , küyimki nü asürübanü arübo kheamabahbah.

ISAIA 38:12

I sangkhik tsoabahdo tüsho mihnu neakrü khimyam nangde I kheaknü luakhindo; khim-keakrü nangde inü I rhangdung lukdo; apinü I hingpungdungpü kheaknü rhipshakdo; animungnü azhing lim nünü I akheam kamshihdo;

ISAIA 38:13

Inü arung thsungkheak yapsu khiungde zhi; kekhüzünü nangde apinü I robo alala yihshak; animungnü azhing lim nünü I akheam kamshih.

ISAIA 40:6

Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 40:7

Küyimki ju kheak Atungpuh sheaknü amütbanü, sangrung yiuhchoh, sangbün keamkhichoh; tsükjide mihtsürübo a sangrung ah.

1 PETER 1:24

Tümüde, “Mihtsürü alala rim nangde lah tüsho arü müretahkhi alala rim sangbün nangde lah. Rim yiuhabahchoh, tüsho sangbün keamkhiabahchoh,