MUNGSHIKHÜN 90:17 - AMÜSÜH HÜM CL Bible (BSI)

¹⁷ Atungpuh isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.

MUNGSHIKHÜN 90:17 Iomraidhean Croise

JOB HU H T ANYU 22:28

Nünü tümükhüh khipkhitbah tüsho ju nü thsungkheak labah tüsho ayinnü nü limrobo kheak yinshihbah.

MUNGSHIKHÜN 110:3

Nü thirithsü nimung nü mihtsürübo ju nü rungrü labah; yapsu mükikde ayinke nangde nü mihtsürü athunurü nü kilim amüsüh wungbo kheak arübah.

MUNGSHIKHÜN 118:25

Kheakü khümkhitang, inü tamkhüntamnüchoh, O Atungpuh ; O Atungpuh , inü tamkhüntamnüchoh, kheakü akuk ngüshang.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 50:2

Thülünde akhamkhi Zion chingnü, Thrünpuhnü tah-a arüshihchoh.

MUNGSHIKHÜN 68:28

O Thrünpuh, nü wu jiang; O Thrünpuh, nünü püpüki rhimokhi nangde isa ki nü sühmüh huhang.

MUNGSHIKHÜN 80:3

Isa laloshang, O Thrünpuh; nü miro yinshang tüsho isa khümkhitang!

MUNGSHIKHÜN 80:7

Isa laloshang, O Wuto Thrünpuh; nü miro yinshang, tüsho isa khümkhita labah!

MÜCHITMUDU 16:3

Nü rhimobo Atungpuh kilim shuhmülanga jihang, tüsho nü lümkhibo akuk ngübah.

ISAIA 26:12

O Atungpuh , nünü isa thsungkheak mungtsü lashihbah, atsütsü, isanü arhimokhi alala, nünü isa thsungkheak rhimokheah.

1 KORINT 3:7

Jumonü shepünü khimcho yungsho shepünü ke duhchonü tümü she yung, tüshe atoshihbuh ju Thrünpuh ah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.