MUNGSHIKHÜN 90:10 - AMÜSÜH HÜM CL Bible (BSI)

¹⁰ Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

MUNGSHIKHÜN 90:10 Iomraidhean Croise

THRÜNTAN 47:9

Jakobnü Pharao ki alo, “I rümde atsahkhi kambo 130 ah; I kambo ju nüklah tüsho küpkhuk lado, tüsho jurünü I buh pürü rümde atsahkhi kambo mukhiung.”

THRÜNTAN 6:3

Tüsho Atungpuhnü tha, “Inü mihtsürü lünnü alapü mümülüjih, tümüde api shih ah; api kam 120 labah.”

2 SAMUEL 19:35

Khihni I kam 80 azorü ah; atsü tüsho amütsü dükeak inü kheahkhitkhukla de? Nü yamlarünü atsühkhi yungsho ayungkhibo mütsanla de? Athrürü tüsho aliberübonü khünbo thsükhi düsheak inü sokhukla de? Dale tümü thsüpü nü yamlarü ju I tungpuh kiulongthsüpuh kheak hahmülang alü kamshihpü?

2 SAMUEL 19:36

Nü yamlarü a Jordan hode limro akhihkhüh kiulongthsüpuh lung yübah. Tümü thsüpü kiulongthsüpuhnü I kilim hadürü thsambah jihpü?

1 KIULONG THSÜRÜ 1:1

Kiulongthsüpuh David khide shina lakheah; tüsho ayamlarübonü api khimnü phudodo she mülamlamde alakheah.

JOB HU H T ANYU 14:10

Tüshe mihtsürü shechoh tüsho abukkhüp yapshihchoh; mihtsürü shechoh tüsho api küching la?

JOB HU H T ANYU 20:8

Api milim khülang nangde phinde atsobah tüsho müngü; azhing michih nangde arübo kheamabahchoh.

JOB HU H T ANYU 24:24

Anükhüh kheak thsungkheak arü shuhkih-a lah; tüsho arübo tsoabahdo; arü yiuhabahchoh tüsho püpürü nangde keamkhiabahchoh; arübo hi ye nipshakkhi nangde kungabahchoh.

JOB HU H T ANYU 5:7

tüshe mihtsürübo modübin achanglim phinde yükihkhi nangde küpkhukpü zübea lah.

MUNGSHIKHÜN 78:39

Tümüde arübo ju shih, tsoabahbe sheak khülang tüsho alode marü de apinü lümkhit.

ISAIA 38:12

I sangkhik tsoabahdo tüsho mihnu neakrü khimyam nangde I kheaknü luakhindo; khim-keakrü nangde inü I rhangdung lukdo; apinü I hingpungdungpü kheaknü rhipshakdo; animungnü azhing lim nünü I akheam kamshihdo;

LEVI 27:7

Mihtsürü ju kam 60nü akumung a-sho, athrürü dün shotoyinchi 15 tüsho aliberü dün shotoyinchi 10 de akhuang.

LUKNÜ ATHRÜTKHI THIYUSHEAK-ATSÜ HUHTANYU 12:20

Tüshe Thrünpuhnü api ki tha, ‘Nü makharü! Khihre tsütsü nü me tsoabahbah; dale tüsho nü thsungkheak tsanglunga zokhi shenü aluba?’

YUZÜNGTHALO 34:7

Mosa shechoki api kam 120 lakheah. Api mük neamneam müla yungsho ju ruk lang api sühmüh lakheah.

JAKOB 4:14

Nüsanü shido tümü dünjibanü mümükheah. Nüsa rhangdung ju tümü a? Tümüde nüsa ju shumuliu anükhühkheak labah kheamabahkhi nangde lah.

JIHUSUA 14:11

Mosanü I thiyia alungshihchoki ruk lang khihni khiungde I sühmüh lah; keochihpü thsüde yungsho yüla arüla düpü sühmüh lah.