MUNGSHIKHÜN 9:9 - AMÜSÜH HÜM CL Bible (BSI)

⁹ Atungpuh ju junoa larü thsungkheak tsoyukpung, küpkhuk kim ching kurampung lah.

MUNGSHIKHÜN 9:9 Iomraidhean Croise

1 KIUTHSÜYUKHEAN 16:33

Judüki murung sangdungbonü Atungpuh miki asühde khün thsübah, tümüde api alomi mahkhappü arüchoh.

MUNGSHIKHÜN 108:12

Küpkhuk chingnü isa arung jihang, tümüde mihtsürü ju akeangkeang.

MUNGSHIKHÜN 142:4

I khah tsülim mürüngang tüsho kheahang, tümüde I mükheahrü she müla; I tsoyukpü müla; shenü I me müküm.

MUNGSHIKHÜN 18:2

Atungpuh ju I lungto, I chipi tüsho I bekhitrü, I Thrünpuh, I sühmüh, shepü kheak I tsoyukcho, I tsung, tüsho I akhümkhit juh, I chipi.

MUNGSHIKHÜN 20:1

Küpkhuk nimung ching Atungpuhnü nü ki aloshang; Jakob Thrünpuh mungnü nü tsungdoshang!

MUNGSHIKHÜN 32:7

Nü a I jikpung ah; nünü I küpkhuk chingnü kümdobah tüsho abekhitkhi khünbonü I mükamdobah.

MUNGSHIKHÜN 37:39

Tüshe thiyuro-lungkirü akhümkhit ju Atungpuh kilimnü lah; api ju küpkhuk kim ching arü sühmüh lah.

MUNGSHIKHÜN 46:1

Thrünpuh ju isa tsoyukpung tüsho sühmüh, küpkhuk kim ching rungpü thsüde lah.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 48:3

Kiuto chipibo khüp kurampung lah de Thrünpuhnü huhchoh.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 62:8

Kim alala ching api kheak kinang, nüsa mihtsürübo; nüsa küpkhuk alala api ki thaang; Thrünpuh ju isa thsungkheak tsoyukpung.

MUNGSHIKHÜN 67:5

Mihtsürübonü nü shishang, O Thrünpuh; mihtsürü alalanü nü shishang!

MUNGSHIKHÜN 7:9

O mihbukmuyuk amütsü rhimo akheam thsüshang, tüshe thiyuro lashang; tümüde thiyuro-lungki Thrünpuhnü mulong tüsho lümkhi rükakheahchoh.

MUNGSHIKHÜN 96:10

Trükshihbo lung thaang, “Atungpuhnü kiulongthsüchoh; alomiküp she düngde thsüa lah, ha maphap; apinü thiyuro-lungkinü mihtsürübo mahkhapbah.”

MUNGSHIKHÜN 98:9

tümüde api alomi mahkhappü arüchoh. Hiyuro-lungkinü apinü alomiküp, tüsho alungkinü mihtsürübo mahkhapbah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 8:14

Api ju arüngyam khülang labah; Israel yamkhün ane chido thsungkheak api jingmükhelung khülang labah– Jirusalem ching larü thsungkheak azheang tüsho qimürip labah.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

LUKNÜ ATHRÜTKHI THIYUSHEAK-ATSÜ HUHTANYU 13:34

“O Jirusalem, Jirusalem, wukihrübo laksahbe tüsho anihbe kilim yüshihrübo rusahbe! Thunu dretonü ajipjipbo aghidükeang khüp bemukhungkhi nangde inü küdükhüh ki nü tsührübo bemukhungpü künkhea, tüshe nünü mümulongde alakheah!

YUZÜNGTHALO 33:27

Akheam mülakhi Thrünpuh ju nü lapung lah, tüsho abukkhüp lakhi ju akheam mülakhi khahbo ah. Tüsho apinü thiriri nüsa müngühnü yana tsoshihchoh, tüsho tha, ‘Dükheang.’

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.