MUNGSHIKHÜN 9:19 - AMÜSÜH HÜM CL Bible (BSI)

¹⁹ Asürang, O Atungpuh , mihtsürünü nü dükukshih; trükshihbo nü miki mahkhapang!

MUNGSHIKHÜN 9:19 Iomraidhean Croise

THRÜNTAN 32:28

Tüsho apinü tha, “Nü mung kheaküa Jakob de müji, tüshe Israel; tümüde nünü Thrünpuh tüsho mihtsürübo bede shochih, tüsho kukdo.”

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

MUNGSHIKHÜN 10:12

Asürang, O Atungpuh ! Nü khah chungkihang! O Thrünpuh, thsümütsürü dümihabah.

MUNGSHIKHÜN 149:7

trükshihbo kheak royimpü, tüsho mihtsürübo kheak thsümüchi lapü;

MUNGSHIKHÜN 3:7

Asürang, O Atungpuh ! I khümkhitang, O I Thrünpuh! I riribo alala arü ngoro kheak shikang; mihbukmuyuk hü thsümünimjang.

MUNGSHIKHÜN 44:23

Asürang, O Atungpuh ! Tümüde nü yapla? Nü asürang! Isa lünnü dübahyuk.

MUNGSHIKHÜN 44:26

Isa rungpü asürang, tüsho nü amüthsüm hode isa rhokhitang.

MUNGSHIKHÜN 7:6

O Atungpuh , nü bukakhiukkhi ching asürang, I riribo bukmüshakkhi azhihde nü jukmusuang; asürang, O I Thrünpuh; nünü mahkhap khülang thsakhamlah.

MUNGSHIKHÜN 79:6

Nü mümükheahkhi trükshihbo kheak, tüsho nü mung müjikhi kiulongthsübo kheak nü bukakhiukkhi dungkihang.

MUNGSHIKHÜN 80:2

Ephraim, Benjamin tüsho Manase müngüh nü sühmüh akhiukang, tüsho arübah isa khümkhitang!

ISAIA 51:9

Asürang, asürang, sühmüh zahang, O Atungpuh khah! Asürang, awün nimungbo, adüso lünbo nangde! Rahab adütre kamde khapthünakkhi, ke-rimri chinkhitbuh nü yung de?

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JOEL 3:12

Trükshihbonü asürüshang, tüsho Jehoshaphat Jindükhün ching atushang; tümüde ju ching inü mühirü trükshih alala mahkhapbah.

MIKA 5:15

Bukakhiukkhi tüsho mulong zhipzhip ching inü mihyumanikhi trükshihbo kheak royimbah.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 14:18

Tüsho Ijiprünü wutubah shihcham mulusho arü kilim tsüng marüshih; arüngkhimyam thünio mungpü muwutukhi trükshihbo kheak Atungpuhnü thsümüchikhi arüm-tukthsü arü kheak labah.

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

1 SAMUEL 2:9

“ Apinü api kheak düküngde alarü rhangdung aheangbah, tüshe amütsürübo amiting ching dükheakbah; tümüde nihbuh sühmühnü akuk müngüchoh.