MUNGSHIKHÜN 9:14 - AMÜSÜH HÜM CL Bible (BSI)

¹⁴ junangde Zion tsührübebo miki inü zhipbah nü mung shikhi thabah, tüsho nü akhümkhit ching asühachihbah.

MUNGSHIKHÜN 9:14 Iomraidhean Croise

MUNGSHIKHÜN 106:2

Shepünü Atungpuhnü ato rhimokhi zhiyukkhukla? Yungsho api mungshi alala khipkhitkhukla?

MUNGSHIKHÜN 13:5

Tüshe inü nü amüthsüm ching kinchoh; I mulongnü nü akhümkhit ching asühchoh.

MUNGSHIKHÜN 20:5

Nü khümkhitkhi ching isanü asühachihbah, tüsho isa Thrünpuh mung ching isanü isa riphin khimbah! Atungpuhnü nünü amushukhi alala akuk ngüshang.

MUNGSHIKHÜN 21:1

Nü sühmüh ching kiulongthsüpuh asühchoh, O Atungpuh ; tüsho nünü akuk ngüshihkhi ching api küdükhüh tode asühba!

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

MUNGSHIKHÜN 22:25

Amukhungrü ato ching inü nü shijihbah; api trerü miki inü thiyuchihchimkhi jihbah.

MUNGSHIKHÜN 35:18

Inü mukhungmüdan ato ching nü ki makshe jihbah; mihtsürü ahihdo lung inü nü shibah.

MUNGSHIKHÜN 35:9

Judüki I menü Atungpuh lung asühachihbah, tüsho api akhümkhit ching asühbah.

MUNGSHIKHÜN 42:4

Küyimki inü harü lümkhitbanü, I me thurukhitchoh. Tümüde inü asühkhi düsheak thsüde, tüsho makshe jihde boto lung Thrünpuh yam lim yü.

MUNGSHIKHÜN 51:12

I kilim akhümkhit asühachihpü jihloang, tüsho nü ki mihyuanipü I künsahde kamshang.

MUNGSHIKHÜN 51:15

O Atungpuh , I münküp khimshuhjang, tüsho inü nü shibah.

MUNGSHIKHÜN 6:3

I me she tode küpkhuklah; tüshe O Atungpuh , külokhüh laba?

MUNGSHIKHÜN 75:9

Tüshe inü lünnü akhipkhitbah, inü Jakob Thrünpuh kilim mungshi khünbo thsübah.

MUNGSHIKHÜN 79:13

Jumonü, isa nü mihtsürü tüsho nü yo rimlopung namfimihnubonü, lünnü nü ki makshe jihbah; isanü lünbo alala ki nü shijihkhi huhbah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 3:9

Kheakü Israelrübonü azhikhi inü sodo, tüsho Ijiprübonü arü thsümüchikhi inü ngüdo.

ISAIA 12:3

Asühde akhümkhit kekhip chingnü nünü ke khipbah.

ISAIA 37:22

Atungpuhnü api dünkheak asukkhi yu ha lah: Atsangkhit Zion tsührübenü nü mükhemürangchoh, anihbenü nü luhmünechoh; nü dunglim Jirusalem tsührübenü ku lukchoh.

ISAIA 62:11

Atungpuhnü alomi akheam khiungde zhiyukdo: Zion tsührübe ki thaang, “ Kheahang, nü khümkhitbuh arado; api thsambah anihbuh lung lah tüsho apinü bekhitrü api müngüh belah.”

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

LUKNÜ ATHRÜTKHI THIYUSHEAK-ATSÜ HUHTANYU 1:47

I menü I khümkhitbuh Thrünpuh lung asühchoh,

1 SAMUEL 2:1

Hannanü tamkhüntamnü tüsho tha, “I mulongnü Atungpuh lung asühchoh; I sühmüh Atungpuh lung shuhkihdo. Inü I riri ki münejihchoh, tümütüsho inü akukkhi ching I asühchoh. @SP ACE=