MUNGSHIKHÜN 9:12 - AMÜSÜH HÜM CL Bible (BSI)

¹² Thsünüde alarü Thrünpuhnü lümkhitchoh; arünü azhikhi apinü mümih, tüsho arü ki amülim rhimorü apinü thsümüchichoh.

MUNGSHIKHÜN 9:12 Iomraidhean Croise

THRÜNTAN 9:5

Tüsho nüsa rhangdung-thiyih thsungkheaknü tsükjide inü ju dün kheangbah. Shiwüh tüsho mihtsürü aban kheaknü akheangbah. Mihtsürü aban kheaknü nihbuh keoniorü rhangdung dün kheangbah.

2 KIULONG THSÜRÜ 24:4

tüsho apinü neak mükihrü thiyih bukshihkhi dünkheak she ah; tümüde apinü neak mükihrü thiyihnü Jirusalem mishih, tüsho Atungpuhnü neak bahjihpü mümulongde alakheah.

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 10:17

Atungpuh , thsümütsürünü alunekhi sojang; nünü arü mulong toshang; tüsho arünü azhikhi anijang,

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 132:13

Tümüde Atungpuhnü Zion mokhitdo; apinü anihbuh lapü ha mulongdo:

MUNGSHIKHÜN 22:24

Apinü zhochihrü mülümmuwuh yungsho arü thsünükhi amümürang müthsü; apinü arü kheaknü rholode mutso, tüshe arünü arung thsungkheak zhichoki alojihchoh.

MUNGSHIKHÜN 34:6

Zhochihrü mihtsürünü zhi, tüsho Atungpuhnü alojih, tüsho api küpkhukbo alala chingnü khümkhit.

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

MUNGSHIKHÜN 74:2

Nünü adüsonü amokhitkhi nü borü, nü yamrüplurüp thsüpü rhokhitkhi lümkhitang! Nü lakhi Zion Müzüng lümkhitang.

MUNGSHIKHÜN 76:3

Apinü ju ching aphürapkhi hühzobo, thirithsü tsung tüsho nukshang yihshak.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 3:9

Kheakü Israelrübonü azhikhi inü sodo, tüsho Ijiprübonü arü thsümüchikhi inü ngüdo.

ISAIA 26:21

Kheahang, alomi ching larübo arü amülim dün thsümüchipü Atungpuh api lapung chingnü akhiukchoh; alominü nihbe kheak thiyih bukkhi yihkhita huhbah, tüsho kheaküa alaksahkhi mülüpdo.

ISAIA 8:18

Kheahang, I tüsho Zion Müzüng kheak lakhi Atungpuhnü I kilim jihkhi tsührübo Wuto Atungpuh kilimnü Israel ching amütsan tüsho mütsanmükhibe lah.

MATHI 23:35

junangde thiyuro-lungkirü Abel thiyih kheaknü nüsanü arüngyam le kingaün sadam dükeak laksahkhi Berekia tsührü Zekaria thiyih khiungde, alomi ching thiyuro-lungkirü thiyih bukkhi alala nüsa kheak arübah.

AMIKHEAKAKHIUKKHI 16:6

tümüde mihtsürübonü amüsührü tüsho wukihrübo thiyih bukshihdo, tüsho nünü arü ki thiyih yungshih. Ha arünü athülünkhi ah!

MAHKHAPRÜ 10:16

Jumonü arünü khiungkerü thrünpuhbo arü bolungnü yihkhita bah tüsho A TUN GPU H tankih. Tüsho Israel thsünükhi apinü küruhkhüh marümkheamde alakheah.