MUNGSHIKHÜN 89:6 - AMÜSÜH HÜM CL Bible (BSI)

⁶ Tümüde yinmibo ching shepünü Atungpuh kheak akekhukba? Wuto tsührübo lung shepü Atungpuh nangde la?

MUNGSHIKHÜN 89:6 Iomraidhean Croise

MUNGSHIKHÜN 113:5

Shepü ju achang kheak lakhi Atungpuh isa Thrünpuh nangde la,

MUNGSHIKHÜN 29:1

Atungpuh shiang, O nüsa yinmirübo, Atungpuh müretahkhi tüsho wu shiang.

MUNGSHIKHÜN 40:5

Nünü isa thsungkheak ahihdo rhimojih, O Atungpuh isa Thrünpuh; nü nangde sheshe müla! Nünü isa thsungkheak amüyinsahbe lümkhibo ahihdo thsüjih. Inü jurü alala mükhekhuk– jurü khekhi hihdaklah!

MUNGSHIKHÜN 52:1

O wuto mihtsürü, tümüde amütsü thsungkheak nü kükheangcho? Thrünpuh tsükhi lünnü lah.

MUNGSHIKHÜN 71:19

O Thrünpuh, nü thiyuro-lungki khide changlah, nünü rhimo atobo thsü; O Thrünpuh, nü nangde she la?

MUNGSHIKHÜN 73:25

Yinmi ching I she la tüshe nü ah, tüsho nü hode inü amürheangkhi alomi kheak she müla.

MUNGSHIKHÜN 86:8

Thrünpuhbo lung nü nangde she müla, O Atungpuh ; tümüde rhimonü she nü rhimo kheak makekhuk.

MUNGSHIKHÜN 89:8

O Atungpuh Wuto Thrünpuh, O Atungpuh , nü nangde she wuto la? Nü thiyuro lakhinü nü mükamdolah.

ABEKHIT 15:11

“O Atungpuh , thrünpuhbo lung nü ruk she la? Amüsüh ching wüntre-müretah, mungshi ching atrebe, khinthiyinbe rhimokhi ching nü ruk she la?

JEREMIA 10:6

Nü nangde she müla, O Atungpuh ; nü ato ah, tüsho wu-sühmüh ching nü mung tolah.