MUNGSHIKHÜN 89:41 - AMÜSÜH HÜM CL Bible (BSI)

⁴¹ Limro tsahhorü alalanü api kukruk ahühchoh; anihbuh yamhingrübo ki api a münedung kamdo.

MUNGSHIKHÜN 89:41 Iomraidhean Croise

NEHEMIA 5:9

Tüsho inü tha, “Nüsanü arhimokhi ju amülim ah! Nüsanü Thrünpuh ki mihyu anibeah tüsho alungki rhimobeah. Jude athsükhinü isa riri khiungkerü ki isa luhmünepü thsüde nüsanü amütsan tümü müjihde alabah.

MUNGSHIKHÜN 74:10

O Thrünpuh, külokhüh nü azhihrünü nü münejihba? Thiririnü lünnü nü mung mükhemükimba de?

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

MUNGSHIKHÜN 80:13

Shihneakbonü ju jungnakchoh, tüsho mütüm shiwühbonü jurü tsühchoh.

ISAIA 10:6

Thrünpuh mümükheahkhi trükshih azhihde inü api yüshih tüsho I bukakhiukkhi mihtsürü azhihde inü api ki thiyukhüm jih, kukruk yankhia lupü tüsho ahühpü, tüsho kiudunglimro akhimniuhniuh nangde arü kheak jungpü lah.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:8

Tümüde nüsa lapü arükhi Ijip ching nüsa khahnü arhimokhi püpürü thrünpuhbo ki kingaünkhinü I bukakhiukshihcho? Nüsa thsümünimba de tüsho lomi trükshih alala bolung muthrumünean tüsho münedung kamba de?

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

TÜZHOKHI 5:1

O Atungpuh , isa kheak tümü keamkih-a lanü lümkhitjang; mürüngang, tüsho isa achih ngükhi kheahang!

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.