MUNGSHIKHÜN 89:3 - AMÜSÜH HÜM CL Bible (BSI)

³ “Inü mokhitkhi kheak inü tangzüng khülang thsüdo, inü I yamlarü David ki thiyuchihchimdo:

MUNGSHIKHÜN 89:3 Iomraidhean Croise

2 SAMUEL 23:5

I yam Thrünpuh lung müla de? Tümüde apinü I kheak lün yo tangzüngdo, lüpdükhi akhinashu thsüde tüsho kümdoa zojih. Apinü I yihnüpü tüsho inü akünkhi akuk müngüshihba de?

2 SAMUEL 3:9

Jumonü Thrünpuhnü Abner kheak rhimoshang tüsho khide amütsübe she kamshang! Tümüde Atungpuhnü tümü David ki thiyuchihchimkhea, ju inü api thsungkheak akuk ngübah,

1 KIULONG THSÜRÜ 8:16

‘Inü I mihtsürübo Ijip chingnü abekhitkhi nimungnü, thüyam khülang thsüpü thsüde inü Israel trük püpü bolungnü kiuto mumokhit; tüshe I mihtsürü Israel kurungkheak lashihpü inü David mokhit.’

MUNGSHIKHÜN 132:11

Atungpuhnü thiyuro ching David ki thiyuchihchim thsü; apinü ju chingnü murholo: “Inü nü tsührü bolungnü khülang nü kiulongthsü-binkiu kheak binshihbah.

MUNGSHIKHÜN 78:70

Apinü ayamlarü David mokhit, tüsho namfimihnu bolungnü api bea lu;

MUNGSHIKHÜN 89:19

Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

MUNGSHIKHÜN 89:28

Inü I mihmüthsüm lünnü api thsungkheak zojihbah, tüsho I tangzüng api kheak düküngde alabah.

MUNGSHIKHÜN 89:39

Nünü nü yamlarü ki tangzüngkhi thsümünimdo; nünü api kuthran asungthulung ching bahkhinü müneanshihdo.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

MATHI 3:17

Tüsho zukleangnü yinmi chingnü düsheak khülangnü tha, “Ha inü tsüde mulong keamkhi, amuzhokhi I tsührü ah.”

YUNIRÜBO RHIMO 2:30

Jumonü wukihrü thsümonü, tüsho api kiulongthsü-binkiu kheak anihbuh tsühsoniuso bolungnü khülang binshihpü Thrünpuhnü api ki thiyuchihchimkhi mükheahde,

IBRI 7:21

Sherü akhuhlim amükeamrü kamkheanü thiyuchihchim mübede arü rhimo lu, tüshe ha buh a thiyuchihchim lude tha, “Atungpuhnü thiyuchihchimdo tüsho api lümkhi mümüthri, ‘Nü a lün thsungkheak amükeamrü ah.’ ”

MAHKHAPRÜ 2:1

Judüki Atungpuh yunirü Gilgal chingnü Bokim ching atu tüsho tha, “Inü nüsa Ijip chingnü bekhit tüsho inü nüsa jipürü ki alokhikhi lomi ching bedarü; tüsho inü tha, ‘Inü küyimkishe nüsa ki tangzüngkhi müthsümünim.