MUNGSHIKHÜN 89:27 - AMÜSÜH HÜM CL Bible (BSI)

²⁷ Inü api I tsührü adüjirü, alomi kiulongthsürübo kheaknü achangbe thsüshihbah.

MUNGSHIKHÜN 89:27 Iomraidhean Croise

2 SAMUEL 22:47

Atungpuh rhangdung lah! I Lungto shiang, tüsho I Thrünpuh shuhkihshang, I khümkhitpü Lungto,

2 SAMUEL 7:14

I api abuh thsübah, tüsho api I tsührü thsübah. Küyimki apinü amülim rhimobanü, mihtsürünü shuhbah arhapbe tsonü api thsümüchibah.

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

MUNGSHIKHÜN 2:7

Inü Atungpuh yakzan zhiyukbah: Apinü I ki tha, “Nü I tsührü ah. Khihni I nü buh kamdo.

MUNGSHIKHÜN 71:3

Nü I tsoyukpung lungto khülang, I khümkhitpü chipi khülang thsang, tümüde nü I lungto tüsho I chipi.

MUNGSHIKHÜN 72:11

Kiulongthsürü alalanü api miki mükhümbah; trükshih alalanü api tankihbah.

ABEKHIT 4:22

Judüki nünü Pharao ki thabah, Atungpuhnü ha thachoh, Israel I tsührü adüjibuh ah.

ISAIA 49:7

Atungpuhnü ha thachoh, Israel Rhokhitrü tüsho api Amüsüh Khülang, sükde jingmükhea lakhi kilim trükshihbonü athraneankhi, yakzanshuhrü yo azhorü, “ Kiulongthsürübonü angübah tüsho wusurübah, yakzanshuhrübonü angübah tüsho arünü amükhümbah, tümütüsho Atungpuh hode shepü athülün la, Israel Amüsüh Thrünpuh shepünü nü mokhitkhea.”

WÜHKHE 24:7

Arü tsüng suhdahde arübah, tüsho arü müjih kepheang lubo ching yangbah.

ROMRÜ KILIM PAULNÜ ATHRÜTKHI KIHÜM HUHTANYU 8:29

Sherü Thrünpuhnü mokhita lanü, api tsührü nangde akampü büthsüde zochoh, junangde keoniorü ahihdo bolung api tsührü ju akhuhbuh thsübah.

YUZÜNGTHALO 32:15

Tüshe Jeshurun shihkihde zokhit, tüsho azhihde kam; bukthsüde tsühbah api mülangrüpdo tüsho lütlütde kam. Apinü api thrünrü Thrünpuh bahyuk, tüsho api khümkhitpü lung bahyuk.

KOLOSI 1:15

Api ju amüngübe Thrünpuh mejak, thrüna lakhi alala kheaknü adüjibuh ah;

KOLOSI 1:18

Api ju borü, pang yo aku ah; api ju atankih, asherü bolungnü adüjibuh, junangde lüpdükhi ching apinü kihokhi labah.

AMIKHEAKAKHIUKKHI 19:16

Api shulünkhim tüsho api pho kheak anihbuh mung, kiulongthsürübo kurungkheak Kiulongthsürü tüsho atungrübo kurungkheak Atungrü de thrütkih-a lah.

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,