MUNGSHIKHÜN 89:19 - AMÜSÜH HÜM CL Bible (BSI)

¹⁹ Judüki nünü nü yo amüsüh khülang ki michih ching asuk, tüsho tha: “Inü wuto kilim arung jihdo; inü mihtsürü bolungnü mokhitkhi shuhkihdo.

MUNGSHIKHÜN 89:19 Iomraidhean Croise

2 SAMUEL 17:10

Judüki athrungrü thirithsürü, kekhüzü mulong nangde alarübo atrekhinü shahde niuthünakbah; tümüde nü buh ju thirithsürü tüsho api lung larübo ju thirithsürü athrungrü ah de Israel alalanü mükheahlah.

1 KIULONG THSÜRÜ 11:34

Judüalalashe inü kiulongthsü abümnü api kheaknü lubah mutso tüshe inü amokhitkhi I yamlarü David tüsho apinü I yukhümbo le I yakzanbo anikhi mung chingnü api rhangdung lakhi amuyung yakzanshuhrü thsüshihbah;

MUNGSHIKHÜN 3:4

Inü Atungpuh ki achangnü zhichoh, tüsho apinü api amüsüh wung kheaknü I ki alojihchoh.

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MUNGSHIKHÜN 89:3

“Inü mokhitkhi kheak inü tangzüng khülang thsüdo, inü I yamlarü David ki thiyuchihchimdo:

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 30:21

Arü kovünor arü bolung chingnü alabah, arü yakzanshuhrü arü bolungnü arübah; inü api phünide bedarübah, tüsho api I ki arübah tümüde shepünü müjide I ki arükhukpü? Atungpuhnü thachoh.

MARK 1:24

“Isanü nü lung tümü thsüba, Nazarethrü Jisu? Nü isa dükheakshihpü arükhea de? Nü sheanü inü mükheahlah– Thrünpuh yo Amüsüh Khülang ah!”

LUKNÜ ATHRÜTKHI THIYUSHEAK-ATSÜ HUHTANYU 1:70

adüsonü alakhi api yo amüsüh wukihrübo mün hode apinü asukkhi nangde,

2 PETER 1:21

tümütüsho müchitkhi tümü she mihtsürü lümkhi chingnü marü, tüshe Amüsüh Menü bede mihtsürübonü Thrünpuh kilimnü asuk.

2 PETER 3:2

junangde amüsüh wukihrübonü müchitkhi tüsho nüsa amüsühthsangyurübo hode Atungpuh tüsho akhümkhitbuh yukhüm nüsanü alümkhitbah.

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”

1 SAMUEL 16:18

Athrününgtsüng khülangnü tha, “Inü Bethlehemrü Jesse tsührü khülang akingsorü, mulong torü, athrungrü, thiyu ching ayuk, tüsho trungdung akheahakhamkhi ngüdo; tüsho Atungpuh api lung lah.”