MUNGSHIKHÜN 89:14 - AMÜSÜH HÜM CL Bible (BSI)

¹⁴ Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

MUNGSHIKHÜN 89:14 Iomraidhean Croise

NEHEMIA 1:10

“Atungpuh , harü ha nü wu ato tüsho nü khah sühmüh hode akhümkhitkhi nü yamlarübo nü mihtsürübo ah.

MUNGSHIKHÜN 145:17

Atungpuh ju api limrobo alala ching thiyuro-lungki ah, api rhimobo alala ching amüthsüm lah.

MUNGSHIKHÜN 85:13

Thiyuro-lungki ju api müngüh yübah, tüsho api jing düküpü limro thsakhambah.

MUNGSHIKHÜN 89:2

Tümüde inü tha, “Mihmüthsüm lünnü rünkihde alabah; nünü yinmibo ching nü thiyuro lashihbah.”

MUNGSHIKHÜN 97:2

Amobo tüsho amitingnü api mükamdochoh; thiyuro-lungki tüsho thiyuro ju api kiulongthsü-binkiu khimtan ah.

MUNGSHIKHÜN 98:1

O, Atungpuh ki khün aso khülang thsang, tümüde apinü amüyinsahbebo rhimo! Api khah tsülim tüsho api amüsüh binnü akuk ngüdo.

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ABEKHIT 13:3

Mosanü mihtsürübo ki tha: “Nüsa Ijip azhorü yamkhün chingnü awukhiukkhi ha nimung lümkhitang; tümüde Atungpuh khah sühmühnü ha dangpung chingnü nüsa bekhit. Phaüm yukkhi yikhap mütsüh.

ABEKHIT 15:16

Mihtrebe tüsho atrebe arü kheak keamkih; nü khah tokhi hode arübo lung nangde mülüplüp, O Atungpuh , nünü athulokhi nü mihtsürü muhoyi khiungde.

ABEKHIT 15:6

O Atungpuh , wu ching müretahkhi nü khah tsülimnü, O Atungpuh , nü khah tsülimnü thiriri adütre kamde yihthünak.

MÜCHITMUDU 16:12

Kiulongthsürübonü mihbukmuyuk yihbeakkhi ju athraneanbe, tümüde kiulongthsü-binkiu ju thiyurolungkinü lashihchoh.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

YUZÜNGTHALO 32:4

Api ju lung, api rhimo khiukdahlah; tümüde api limro alala alungki. Athülünkhi Thrünpuh tüsho amülim mülakhi, api alungki tüsho dükde lah.

AMIKHEAKAKHIUKKHI 15:3

Tüsho arünü Thrünpuh tankihrü Mosa tüsho Namfimihnunu khün thsüde tha, “Nü rhimobo ato tüsho amüyinsahbe, O Wuto Atungpuh Thrünpuh! Nü limrobo alungki tüsho thiyuro, O lünbo kiulongthsüpuh!