MUNGSHIKHÜN 86:3 - AMÜSÜH HÜM CL Bible (BSI)

³ I ki müthsümang, O Atungpuh , tümüde inü nimung amuyung nü ki zhichoh.

MUNGSHIKHÜN 86:3 Iomraidhean Croise

MUNGSHIKHÜN 25:5

Nü thiyuro ching I beang, tüsho I ki thsangyuang, tümüde nü a I akhümkhit Thrünpuh ah; nimung aban inü nü aleanglah.

MUNGSHIKHÜN 4:1

Küyimki inü ajibanü I ki alojang, O I alim Thrünpuh! I lümthsünü ching lachoki nünü I shukheamjih; I ki amüthsüm laang, tüsho I tamkhüntamnü sojang.

MUNGSHIKHÜN 41:5

I riribonü I yuripü lümde thachoh, “Api küyimki sheba, tüsho amung dükheakba?”

MUNGSHIKHÜN 55:17

Arelim, yapsulim tüsho animuro inü tamkhüntamnübah, tüsho achangnü azhibah, tüsho apinü I düsheak sobah.

MUNGSHIKHÜN 56:1

I ki muzhoang, O Thrünpuh, tümüde mihtsürünü I kheak jungchoh; nimung amuyung apinü I junochoh;

MUNGSHIKHÜN 57:1

I ki müthsümang, O Thrünpuh, I ki müthsümang! tümüde I menü nü kheak kinchoh; tüsho harü thsümütsü muhoyikia nü ghidükeang alamme küp I tsoyukbah.

MUNGSHIKHÜN 88:10

Nünü asherü thsungkheak amüyinsahbe rhimoba de? Asherü asürübah nü shijihba de?

MUNGSHIKHÜN 88:2

I tamkhüntamnü nü miki arüshang; inü azhikhi lim nü nükhün muphoang.

MUNGSHIKHÜN 88:9

Thsünükhi hode I mük keahkhia lah. Atungpuh , inü nimung aban nü ki jido; inü nü kilim I khahbo chungkihdo.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

LUKNÜ ATHRÜTKHI THIYUSHEAK-ATSÜ HUHTANYU 2:37

tüsho anihbe kam 84 khiungde khimode la. Alibenü küyimkishe arüngyam bahbah mutso tüshe azhing ayin kingaünde, khümkeakde tüsho tamkhüntamnüde alakheah.

EFISIA 6:18

Kim alala ching tamkhüntamnü mungji alala tüsho amushukhi bede Me chingnü tamkhüntamnüang. Ju khiungde amüsührü alala thsungkheak mushujihde aroride kurhangang.