MUNGSHIKHÜN 86:16 - AMÜSÜH HÜM CL Bible (BSI)

¹⁶ O, I kilim rholoang, tüsho I kheak mihmüthsüm laang! nü yamlarü kilim nü sühmüh jihang, tüsho nü yamlaberü tsührü khümkhitang.

MUNGSHIKHÜN 86:16 Iomraidhean Croise

MUNGSHIKHÜN 116:16

O Atungpuh , tsükjide I nü yamlarü ah; I a nü yamlarü tsührü nü yamlarü ah; nünü I rhükkhibo trünjih.

MUNGSHIKHÜN 119:132

I kheak kheahang tüsho I ki müthsümang, tümüde nü muzhorü alala ki nünü jude thsüchoh.

MUNGSHIKHÜN 119:94

I nü yo ah, I khümkhitang; tümüde inü nü yukhümbo yimdo.

MUNGSHIKHÜN 138:3

Inü nü ki zhi nimung, nünü I ki alojih, tüsho I me ching sühmüh lade I mulong toshih.

MUNGSHIKHÜN 25:16

I kilim rholoang, tüsho I ki müthsümang; tümüde I a zhikrangkhündo tüsho thsünükhi lah.

MUNGSHIKHÜN 41:5

I riribonü I yuripü lümde thachoh, “Api küyimki sheba, tüsho amung dükheakba?”

MUNGSHIKHÜN 69:16

I ki anijang, O Atungpuh , tümüde nü muzhodakkhi ju tsülah; nü amüthsüm todakkhi yande I kilim rholoang.

MUNGSHIKHÜN 84:5

Mihtsürü shepü sühmüh nü kheak la, shepü mulong amüsüh-hantsahpü lanü müngühmühi.

MUNGSHIKHÜN 90:13

Rholoang, O Atungpuh ! Külokhüh? Tüsho nü yamlarübo kheak amuzho laang.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

LUKNÜ ATHRÜTKHI THIYUSHEAK-ATSÜ HUHTANYU 1:38

Judüki Marinü tha, “Atungpuh yamlaberü kheahang! Nü yu yande ju lashang.” Tüsho yunirü ju alibe kinü chamachih.

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

EFISIA 6:10

Akheamde, Atungpuh tüsho wuto sühmüh ching düküngang.

FILIPI 4:13

I sühmüh jihbuh hode inü lüpdükhi thsükhuklah.

KOLOSI 1:11

Api müretah sühmüh yande, rünkhiungpü tüsho asühachih arümkheam alala thsungkheak wu alalanü nüsa reangzahshang,