MUNGSHIKHÜN 86:1 - AMÜSÜH HÜM CL Bible (BSI)

¹ O Atungpuh , aniang tüsho I ki alojang; tümüde I zhochihrü tüsho müthsümülarü ah;

MUNGSHIKHÜN 86:1 Iomraidhean Croise

MUNGSHIKHÜN 10:14

Tüshe nünü ju ngüdo, tümüde nünü nü khahnü ajihlopü küpkhuk tüsho mulong rozhak kheahyukchoh. Müthsümülarünü anihbuh nü kilim shuhmülanga jihchoh; nü a mürerü rungrü ah.

MUNGSHIKHÜN 102:1

I tamkhüntamnü sojang, O Atungpuh , tüsho inü azhikhi nü ki arüshang.

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 119:22

I kheaknü mükhemükim tüsho abahyukpü yihkhita bahjang, tümüde inü nü yukhümbo zodo.

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 142:1

Inü I düsheaknü Atungpuh ki zhichoh; I düsheaknü inü Atungpuh ki mushuchoh.

MUNGSHIKHÜN 17:6

Inü nü ki jichoh, O Thrünpuh, tümüde nünü I ki alobah; I ki aniang tüsho I tamkhüntamnü sojang.

MUNGSHIKHÜN 25:16

I kilim rholoang, tüsho I ki müthsümang; tümüde I a zhikrangkhündo tüsho thsünükhi lah.

MUNGSHIKHÜN 31:2

I kilim nü nükhün anguhang, I khümkhitpü nahde arang; I tsoyukpü lungto, I khümkhitpü amüküp chipi thsang.

MUNGSHIKHÜN 34:6

Zhochihrü mihtsürünü zhi, tüsho Atungpuhnü alojih, tüsho api küpkhukbo alala chingnü khümkhit.

MUNGSHIKHÜN 40:17

Tüshe I a zhochihrü tüsho mülamüthsürü ah; tütüshe Atungpuhnü I dünkheak lümshang. Nü I rungrü tüsho I bekhitrü;dashu, O I Thrünpuh.

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

ISAIA 66:2

Harü alala I khahnü thrün, jumonü ha alala I yo, Atungpuhnü thachoh. Tüshe azhihayih tüsho mulong rholokhi, tüsho I yu sobah ajanrü kheak inü akheahbah.

DANIEL 9:18

O I Thrünpuh, nü nükhün muphoang tüsho aniang; nü mükbo khimshuhang tüsho isa thsümünimkhi tüsho nü mung tamde ajikhi kiuto kheahang, tümüde isa thiyuro-lungki dünkheaknü isanü nü miki mushukhi yung, tüshe nü mihmüthsüm ato dünkheaknü ah.

MATHI 5:3

“Me ching zholümde alarübo asühpü, tümüde yinmi kiulongthsü arü yo.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

JAKOB 2:5

Aniang, inü muzhokhi keoniorübo. Akin ching alarü thsüpü tüsho apinü amuzhorü ki alokhikhi kiulongthsü yamrüplurüp lupü Thrünpuhnü zhochihrü mokhitkhi yung de?