MUNGSHIKHÜN 85:13 - AMÜSÜH HÜM CL Bible (BSI)

¹³ Thiyuro-lungki ju api müngüh yübah, tüsho api jing düküpü limro thsakhambah.

MUNGSHIKHÜN 85:13 Iomraidhean Croise

MUNGSHIKHÜN 119:35

Nü yukhümbo limro ching I tsahshang, tümüde inü ju ching asühlah.

MUNGSHIKHÜN 89:14

Thiyuro-lungki tüsho thiyuro ju nü kiulongthsü-binkiu khimtan ah; mihmüthsüm tüsho thiyuro nü miro müngüh yüchoh.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

JEREMIA 31:14

Tsühyungpü akebenü inü amükeamrübo bukthsüshihbah, tüsho I mihtsürübonü I muzhomopungkhi ching reangkeambah, Atungpuhnü thachoh.

EZEKIEL 36:30

Inü sangaso tüsho thulu chingnü akhiukkhi muzhomopungde akamshihbah, junangde trükshih bolung nü khümzungnü achih ngükhi küyimkishe müthsünülo.

LEVI 26:4

inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

JOHAN 13:34

Nüsa khülangnü khülang muzhoachihpü inü nüsa kilim thiyuzüng aso khülang jihchoh; inü nüsa muzhokhi nangde, nüsa she khülangnü khülang muzhoachihang.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,

1 JOHAN 2:6

Shepünü anihbuh api lung lah de thachonü apinü atsahkhi limro ching anihbuhnü atsahbeah.