MUNGSHIKHÜN 85:12 - AMÜSÜH HÜM CL Bible (BSI)

¹² Tümü atsüanü Atungpuhnü ajihbah; tüsho isa lonü alü thsükhi akhiukshihbah.

MUNGSHIKHÜN 85:12 Iomraidhean Croise

MUNGSHIKHÜN 67:6

Judüki alonü nihbe alü akhiukshihbah; Thrünpuh, isa Thrünpuhnü isa müngühjihbah.

MUNGSHIKHÜN 72:16

Lomi ching, müzüngbo mujuk kheak hi muzhomopungde alabah; Lebanon nangde zhinshakde asobah; tüsho alo rim nangde kiuto mikhiukde alabah.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ISAIA 32:15

achang kheaknü me khülang isa kheak mudungkihyi khiungde tüsho sunglo ju aso-asokhi lu mükamyi khiungde, tüsho alo atsü lu murung nangde mükamyi khiungde alabah.

ISAIA 45:8

Tsüng arang, O yinmibo, akulimnü, tüsho thüningbonü thiyuro-lungki tsüng akishang; alominü khimshuhang, junangde akhümkhit mukhuhde akhiukbah, tüsho hanü thiyuro-lungki she pungkhitshang; I Atungpuhnü ha thrünkheah.

LEVI 25:19

Alonü hi mukhuhshihbah, tüsho nüsa bukthsüde tsühde tsokhitde alabah.

LEVI 26:4

inü nüsa kilim akheahmünchi ching tsüng arüshihbah, tüsho alonü hi mukhuhshihbah tüsho mütüm sangdungbonü aso asobah.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

ZEKARIA 8:12

Tümütüsho judüki mungtsü yangkhi labah; kurungasonü aso asobah, alonü amukhuhshihbah, tüsho thüningbonü ayinke jihbah; tüsho inü ha mihtsürü aningkhi ki harü alala yamrüplurüp lushihbah.

MATHI 13:23

Tüshe alo atsü kheak hiukhi ju shepünü thiyu sobah ju anikhitchonü api ah; apinü hidung akhiukshihbah khürünü chi, khürünü rukrü yungsho khürünü samrü bande asochoh.”

MATHI 13:8

Tüshe khürü alo atsü kheak hiuyuk tüsho khürünü chi, khürünü rukrü, khürünü samrü bande asojih.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 21:20

Küyimki arünü ha sokheanü Thrünpuh müretahshih. Tüsho arünü api ki tha, “Keoniorü, Jihudarü bolung akinrü chithürü küdükhüh lanü kheahang; arünü yakzan ching khide mulong jihlah,

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

EFISIA 1:3

Yinmi kiulongthsü ching me müngühmühibo Khrista ching isa müngühjihbuh, isa Atungpuh Jisu Khrista Abuh Thrünpuh shiang.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.