MUNGSHIKHÜN 84:6 - AMÜSÜH HÜM CL Bible (BSI)

⁶ Arübo Baka jindükhün hode ayüchoki, arünü ju ke-bukpung kamshihchoh; mumükin tsüngbonü ju kekhipbo bede zhidochoh.

MUNGSHIKHÜN 84:6 Iomraidhean Croise

1 KIUTHSÜYUKHEAN 16:11

Atungpuh tüsho api sühmüh yimang, api miro mutuklode yimang.

MUNGSHIKHÜN 68:9

O Thrünpuh, nünü muzhomopungkhi tsüng arüshih, ju hode keaksah-a lachoki nü yamrüplurüp rhüngrhüngshih.

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.