MUNGSHIKHÜN 84:4 - AMÜSÜH HÜM CL Bible (BSI)

⁴ Sherü nü yam ching lanü müngühmühi; arünü judü lang nü shijihbah.

MUNGSHIKHÜN 84:4 Iomraidhean Croise

MUNGSHIKHÜN 145:21

I münnü Atungpuh shikhi dünkheak asukbah, tüsho apinü athrünkhi alalanü api amüsüh mung lünnü lün shibah.

MUNGSHIKHÜN 23:6

Tsükjide I rhangdung amuyung ching atsü tüsho mihmüthsüm I kheak labah, tüsho I lünnü Atungpuh yam ching labah.

MUNGSHIKHÜN 27:4

Inü Atungpuh ki tümükhüh khülang kheang, ha inü ayimkhi lakheah: junangde inü Atungpuh akhamkhi kheahpü, tüsho arüngyam ching api yimpü I rhangdung amuyung Atungpuh yam ching labah.

MUNGSHIKHÜN 42:11

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 42:5

Tümüde I khide mulong tukthsüla? Tümüde I khide küpkhukla? Inü Thrünpuh kheak I mulonglambah, tüsho mutuklode I khümkhitbuh tüsho I Thrünpuh shibah.

MUNGSHIKHÜN 5:3

O Atungpuh , yapsu nünü I düsheak sochoh; ani akhiukchoki inü tamkhüntamnüchoh tüsho nünü alojihpü aleangchoh.

MUNGSHIKHÜN 65:4

Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

MUNGSHIKHÜN 71:15

I münnü nü thiyuro-lungki tüsho nü akhümkhit nimung amuyung thabah, tümüde inü arü akhü thsükhi mümükheah.

MUNGSHIKHÜN 71:8

Nimung amuyung nü shikhi tüsho nü müretahnü I mün mishang.

AMIKHEAKAKHIUKKHI 7:15

Jumonü arübo Thrünpuh kiulongthsü-binkiu miki lah, tüsho api arüngyam ching azhing ayin api tankihchoh; tüsho kiulongthsübinkiu kheak binbuhnü arü kümdobah.