MUNGSHIKHÜN 84:11 - AMÜSÜH HÜM CL Bible (BSI)

¹¹ Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

MUNGSHIKHÜN 84:11 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

MUNGSHIKHÜN 119:114

Nü a I jikpü dangpung tüsho I tsung; inü nü yu ching mulonglamchoh.

MUNGSHIKHÜN 15:2

Shepü lungkide tsahcho, tüsho thiyuro-lungki rhimocho, tüsho api mulong chingnü thiyuro asukcho;

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 3:3

Tüshe O Atungpuh , nü I tsungdojihrü, I müretah, tüsho ku dukoshihrü ah.

MUNGSHIKHÜN 47:9

Abraham Thrünpuh mihtsürü yakzanshuhrübo rukhüh mukhunga lah. Tümüde alomi tsungbo ju Thrünpuh yo; api changde shuhkih-a lah.

MUNGSHIKHÜN 84:9

O Thrünpuh, isa tsung kheahang, tüsho nünü mujude-mokhitkhi miro kheah kheahang.

MUNGSHIKHÜN 85:12

Tümü atsüanü Atungpuhnü ajihbah; tüsho isa lonü alü thsükhi akhiukshihbah.

MÜCHITMUDU 10:9

Thiyuro mihtsürü a kuram tsüde tsahchoh, tüshe shepü akhürang limrobo ching lanü aramkhitbah.

MÜCHITMUDU 2:7

apinü alungkirü thsungkheak lümlung atsü zomukhungchoh; api a lungkide atsahrü kilim tsung khülang ah;

MÜCHITMUDU 28:18

Shepü mungchih mülade tsahchonü akhümkhitbah, tüshe shepü nihbuh limrobo ching mülapmüji lanü zukleangnü alungbah.

MÜCHITMUDU 28:6

Alarü thsübah nihbuh limrobo ching mülapmüjikhi kheaknü thiyuro ching tsahkhi zhochihrü atsübe.

MIKA 2:7

Ha athabea de, O Jakob yamkhün? Atungpuh arümkheamkhi kheama la de? Harübo api rhimobo a de? Lungkide atsahrü ki I yubonü atsü mürhimo de?

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

MATHI 6:33

Tüshe nünü akhuhde api kiulongthsü tüsho api thiyuro-lungki yimang, tüsho harü alala nü kilim jihbah.

JOHAN 1:16

Tüsho api kim khiukkhi ching isanü müngühmühi kheaknü müngühmühi leangkhi.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 8:12

Judüki Jisunü arü ki tha, “I alomi ayinatrüm. Shepünü I yanchonü amiting ching mütsah, tüshe rhangdung ayinatrüm labah.”

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.

GALATIA 2:14

Tüshe küyimki arünü thiyusheak-atsü thiyuro dünkheak langde mütsahkhi inü angükhea, inü arü alala mikinü Peter ki tha, “Nü Jihudarü thsübah khiungkerü nangde lachoh tüsho Jihudarü nangde yung, dale küde thsah nünü khiungkerü ju Jihudarü nangde alashihkhukpü?”

YUZÜNGTHALO 18:2

Jumonü keoniorü lung arü yamrüplurüp müla; apinü arü ki thakhi nangde Atungpuh ju arü yamrüplurüp thsübah.

FILIPI 1:6

Tüsho shepünü nüsa lung rhimo atsü tankihkheanü Jisu Khrista nimung khiungde akhik thsüde arhimobah de inü mütsanlah.

FILIPI 4:19

Jisu Khrista ching api müretahkhi lakhit ayannü I Thrünpuhnü nüsa yihnüpü lüpdükhi jihbah.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.