MUNGSHIKHÜN 83:18 - AMÜSÜH HÜM CL Bible (BSI)

¹⁸ junangde arünü nü mung ju lang Atungpuh ah de, nü alomi alala kurungkheak Khide Achang mükheahbah.

MUNGSHIKHÜN 83:18 Iomraidhean Croise

THRÜNTAN 22:14

Tüsho Abrahamnü ju dangpung ki, Atungpuhnü Ajihbah de ji; khihni khiungde ha thachoh, “Atungpuh wung chingnü ajihbah.”

1 KIULONG THSÜRÜ 18:37

I ki alojang, O Atungpuh , I ki alojang, junangde ha mihtsürübonü, O Atungpuh , nü Thrünpuh ah de amükheahbah tüsho nünü arü mulong rholoshihbah.”

2 KIULONG THSÜRÜ 19:19

O Atungpuh isa Thrünpuh, jumonü kheakü api khah chingnü isa khümkhitang de inü nü ki tamkhüntamnüchoh, junangde O Atungpuh , alomi kiulongthsübo alalanü nü lang Thrünpuh de amükheahbah.”

MUNGSHIKHÜN 18:13

Atungpuhnü thüning ching tsüngmuk, tüsho Khide Achangbuhnü arulung, tüsho chinchobe phürapkhinü adüsheak thsü.

MUNGSHIKHÜN 35:4

Sherünü I rhangdung yimchonü, achih ngüshang tüsho mükhemükimshang; sherünü I azhihde rük asahchonü rholoshang tüsho yingyingde kamshang.

MUNGSHIKHÜN 59:13

nü bukakhiukkhi ching arü muyuang; shahde arü muyuang, junangde Israel ching Thrünpuhnü yakzan shuhchoh, tüsho api yakzan alomi alala khiungde lah de mihbüm abannü amükheahbah.

MUNGSHIKHÜN 9:16

Atungpuhnü aküdah thsüde mükheahshih, apinü mahkhapdo; mihbukmuyukbo arü khahnü athsükhi qimürip ching phuh-a lah.

MUNGSHIKHÜN 9:2

Inü nü lung asühbah tüsho asühachihbah, inü nü mung shide khün thsübah, O Khide Achang.

MUNGSHIKHÜN 92:8

Tüshe Atungpuh , nü lünnü achang kheak lah.

MUNGSHIKHÜN 97:9

Tümüde Atungpuh , nü alomi alala kurungkheak changlah; nü a thrünpuhbo alala kumung shuhkih-a lah.

ABEKHIT 6:3

Inü Abraham, Isak tüsho Jakob ki Wuto Thrünpuh ah de akhiuka huh, tüshe inü arü ki I mung Atungpuh de mümükheahshihde alakheah.

ISAIA 42:8

I Atungpuh ah, ju I mung; I müretahkhi püpürü kilim, yungsho I mungshi sangthsübo kilim müjih.

ISAIA 5:16

Tüshe Wuto Atungpuh a thiyuro hode shuhkih tüsho thiyuro lakhi hode Amüsüh Thrünpuh anihbuh langzünü amüsühkhi huhchoh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 16:21

“Jumonü tsükjide inü arü ki thsangyupü lah, ha kim ching inü arü ki I wu tüsho I sühmüh thsangyubah, tüsho I mung ju Atungpuh de arünü mükheahbah.”

EZEKIEL 30:19

Hanangde inü Ijip kheak mahkhapbah. Judüki I Atungpuh de arünü mükheahbah.

EZEKIEL 38:23

Junangde inü I tokhi tüsho I müsühkhitkhi huhbah tüsho trükshih ahihdo miki I mükheahshihbah. Judüki I Atungpuh de arünü mükheahbah.

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”