MUNGSHIKHÜN 82:5 - AMÜSÜH HÜM CL Bible (BSI)

⁵ Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

MUNGSHIKHÜN 82:5 Iomraidhean Croise

JOB HU H T ANYU 8:9

tümüde isa yini yo ah tüsho isanü tümü mümükheah, tümüde alomi kheak isa nimungbo alamme khülang ah.

MUNGSHIKHÜN 11:3

Khimtanbo thsümünimsho, thiyuro-lungkirünü tümü thsükhukpü la”?

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 53:4

Yikhap nangde I mihtsürü tsühabahrü, tüsho Thrünpuh ki müjirü, amülim rhimorübo mükheahmudu müla de?

MUNGSHIKHÜN 75:3

Alomi tüsho ju ching lakhi alala niukrua lah; inü dungjingbo düküngde khimlah.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

MÜCHITMUDU 1:29

Tümütüsho arünü mükheahmudu thranean tüsho Atungpuh trepü mümokhit,

MÜCHITMUDU 2:13

amiting limrobo ching tsahpü alungki limro bahkhirü kheaknü;

MÜCHITMUDU 4:19

Mihbukmuyuk limro ju amiting nangde lah; tümünü arü jing mükheshihchonü arünü mümükheah.

T H S AN GYU T H S AN GR ARÜ 2:14

Lümlung larü a arü ku ching mük kihlah, tüshe makharübo a amiting ching tsahchoh. Tütüshe arü alala kuhi-shihcham rukhüh lang ah de inü mükheahdo.

T H S AN GYU T H S AN GR ARÜ 3:16

Kheaküshe alomiküp ching thiyuro lapung ching mihbukmuyuk lakhi inü ngü, tüsho thiyuro-lungki ching she mihbukmuyuk lakheah.

ISAIA 5:7

Tümüde Wuto Atungpuh yo kurungasolu ju Israel yamkhün, tüsho Juda mihtsürü ju apinü asühde akhimkhi; apinü thiyuro mükkin thsü tüshe thiyih bukkhi ngü; thiyuro lakhi mükkin thsü tüshe atripkhi so!

ISAIA 59:9

Jumonü thiyuro isa kheaknü limshude lah, tüsho thiyurolungkinü isa mukhiung; isanü ayin aleangchoh, tüsho kheahang! ju ching amiting lah; tüsho ayinatrüm aleangchoh, tüshe amiting ching isa tsahchoh.

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

JOHAN 12:35

Jisunü arü ki tha, “Nüsa lung ayin ju anükhüh ruhde lah. Nüsanü ayin lachoki tsahang, jude yungsho amitingnü nüsa yanphuhbah; shepü amiting ching tsahchonü külim yüchonü mümükheah.

JOHAN 3:19

Tüsho abahyukkhi ha lakhi ju, alomiküp ching ayin arü tüsho mihtsürübonü ayin kheaknü amiting muzho tümütüsho arü rhimobo amütsü lakheah.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.