MUNGSHIKHÜN 81:3 - AMÜSÜH HÜM CL Bible (BSI)

³ Khinu aso kim ching, khinu münichoki, isa arüngako anioji nimung hulipungpung mütang.

MUNGSHIKHÜN 81:3 Iomraidhean Croise

2 KIULONG THSÜRÜ 4:23

Apinü tha, “Tümüde khihni api kilim yüpü? Ha khinu aso yungsho amuni yung.” Alibenü tha, “Ju atsübah.”

1 KIUTHSÜYUKHEAN 15:16

Kheaküshe Davidnü Levirü aberübo ki bingshang, bingkhung tüsho larüpbo bede asühkhi düsheak achangnü khün thsüshihpü arü buhtsührü mokhitpü thiyukhüm jih.

1 KIUTHSÜYUKHEAN 15:19

Khün thsürübo Heman, Asaph, tüsho Ethan arünü müwayinchi larüpbo king;

1 KIUTHSÜYUKHEAN 15:24

Shebania, Joshaphat, Nethanel, Amasai, Zekaria, Benaia, tüsho Eliezer, amükeamrübonü Thrünpuh sangdan müngüh hulipungpungbo müt. Obed-edom tüsho Jehia ane she sangdan ripit aheangrü thsü.

1 KIUTHSÜYUKHEAN 16:42

Heman tüsho Jeduthun lung khün düsheak thsungkheaknü hulipungpungbo tüsho larüpbo, tüsho amüsüh khün thsungkheaknü kingzükingdobebo lakheah. Jeduthun tsührübo ripit ching binpü mokhit.

1 KIUTHSÜYUKHEAN 16:6

tüsho amükeamrübo Benaia le Jahazielnü Thrünpuh tangzüng sangdan müngüh hulipungpungbo mutukzhakde müt.

1 KIUTHSÜYUKHEAN 25:1

David tüsho bonungrü atorübonü, bingkhung, bingshang, tüsho larüpbo shuhbah müchitmudude tankihpü thsungkheaknü Asaph, Heman tüsho Jeduthun arü tsührübo bemuwuh. Rhimorü tüsho arü rhimobo:

2 KIUTHSÜYUKHEAN 13:12

Kheahang, Thrünpuh isa lung isa ku ki lah, tüsho api yo amükeamrübonü nüsa bede keochihpü jide arü hulipungpungbo khungpü lah. O Israelrübo, nüsa jipürü Thrünpuh, Atungpuh bede dükeochih; tümüde nüsanü mukuk.”

2 KIUTHSÜYUKHEAN 13:14

Küyimki Judarünü rholokhea, thirithsü ju arü müngüh tüsho arü dunglim lakheah. Arünü Atungpuh ki zhi, tüsho amükeamrübonü hulipungpungbo müt.

2 KIUTHSÜYUKHEAN 2:4

Inü kheakü Atungpuh I Thrünpuh mung thsungkheak thüyam khülang thsüpü lah tüsho api miki rhümthüneabe jihpü, kim aban ahuhbe yikhap zojihpü, tüsho khinu aso amunimungbo le Israel thsungkheak amüsüh-tsangkhit akhukhitkhi Atungpuh isa Thrünpuh thüniobo ching yapsu tüsho are taka kingaünbo thsungkheak api ki müsühkhitbah.

2 KIUTHSÜYUKHEAN 5:12

tüsho khün thsürü Levirü alala, Asaph, Heman, tüsho Jeduthun, arü tsührübo tüsho buhtsührübo khimthünak atsüdak yihbah, hulipungpung mütrü amükeamrü 120 lung larüpbo, bingshangbo, bingkhungbo shuhbah kingaün sadam aniakhiuklim zhip).

2 KIUTHSÜYUKHEAN 8:13

nimung aban yihnüpü rhimo, Mosa yukhüm yande amunibo, khinu aso, tüsho kam kheam thünio mahsam thsungkheak jih–phaüm muyukkhi thünio, yimlukhi thünio, yünthsünio.

MUNGSHIKHÜN 149:3

Arünü tsünde api mung shishang; arünü züpzüppü tüsho bingshang bede api mungshikhi khünbo thsüshang.

MUNGSHIKHÜN 33:2

Bingshang bede Atungpuh shiang; aliu-thürü kihkhi bingkhungnü api ki khün khungang.

MUNGSHIKHÜN 98:6

hulipungpungbo tüsho shihjuh khungang; Atungpuh , kiulongthsüpuh miki asühde ahoang.

TÜZHOKHI 2:6

Apinü api yünshim ju awündo nangde luka bahdo, apinü anihbuh mukhungyam thsümünimdo; Atungpuhnü Zion ching thünio tüsho amuni mihabahdo, tüsho abukakhiukkhi ching kiulongthsürü tüsho amükeamrü bahyukdo.

NAHUM 1:15

Kheahang! Müzüngbo kheak, thiyusheak atsü handarürü, mungtsü zhiyukrü arüchoh! Nü thüniobo arüngang, O Juda, nünü thiyuchihchimkhi jihang, tümüde kheaküa mihbukmuyuknü nü lomi ching mazah; arü shahde adükheakbah.

WÜHKHE 15:3

tüsho nüsanü Atungpuh kilim taka kingaünkhi yungsho shuhmülanga kingaünkhinü thiyuchihchim yungsho amulongkhi kingaün yungsho akhukhitkhi thünio dünjishihde, moshi yungsho mihnu bolungnü Atungpuh kilim arhümthüneade ajihpü thsüsho,

WÜHKHE 28:11

Khinu aban akhuhbe nimung nüsanü Atungpuh kilim harü taka kingaünang: moshipung nunu 2, mihnupung 1, tüsho kam khülang bankhi lapha mükihkhi namfimihnunu 7;

YUZÜNGTHALO 16:15

Atungpuhnü amokhitkhi dangpung ching nüsanü Atungpuh nüsa Thrünpuhnü nüsa rhimokhibo tüsho nüsa khahnü arhimokhi ching müngühjihbah; junangde nüsa tsükjide asühachihbah.

KOLOSI 2:16

Jumonü atsühpü tüsho ayungpü yungsho thünio le khinu aso yungsho amuni dünkheak keokhikhibo ching shenü she nüsa kheak thiyudükhapshih.