MUNGSHIKHÜN 81:10 - AMÜSÜH HÜM CL Bible (BSI)

¹⁰ I nüsa Ijip chingnü bekhitbuh, Atungpuh nüsa Thrünpuh; nüsa mün atonü kaang tüsho inü amishihbah.

MUNGSHIKHÜN 81:10 Iomraidhean Croise

MUNGSHIKHÜN 107:9

Tümüde apinü kethürikhi reangkeamshihchoh tüsho akhümkhi atsünü bukthsüshihchoh.

ABEKHIT 20:2

“I nüsa Ijip lomi, azhorü yamkhün chingnü abekhitbuh Atungpuh nüsa Thrünpuh ah.

ABEKHIT 20:3

“Nünü I miki püpü thrünpuhbo dülashih.

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

HOSEA 8:3

Israelnü atsü bahyukdo; thiririnü api müshambah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

YUZÜNGTHALO 5:7

Nünü I miki püpürü thrünpuh tümü dülashih.

JIHUSUA 24:14

“Jumonü Atungpuh wüntreang, tüsho rhüngrhüngde tüsho thiyuronü api tankihang; nüsa jipürünü ke thripkhüh tüsho Ijip ching kingaünkhi thrünpuhbo bahkhiang tüsho Atungpuh tankihang.

JIHUSUA 24:23

Apinü tha, “Dale tüsho nüsa bolung lakhi khiungkerü thrünpuhbo bahyukang, tüsho Atungpuh Israel Thrünpuh kheak nüsa mulong jihang.”

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.