MUNGSHIKHÜN 81:1 - AMÜSÜH HÜM CL Bible (BSI)

¹ Isa sühmüh Thrünpuh ki achangnü khün thsang; Jakob Thrünpuh ki asühkhi düsheak thsang.

MUNGSHIKHÜN 81:1 Iomraidhean Croise

THRÜNTAN 50:17

‘Nüsanü Josep ki ha thaang: “Inü nü ki mushuchoh, muzhobah nü keoniorübonü alakmihkhi tüsho arü neak bahjang; tümüde arünü nü ki amütsü rhimodo.” ’ Kheakü muzhobah nü buh Thrünpuh yamlarübonü alakmihkhibo neak bahjang.” Küyimki arü yusheak api ki arükheanü, Josepnü trip.

1 KIUTHSÜYUKHEAN 6:17

Harü ha Gershon tsührübo mung: Libni tüsho Shimei.

MUNGSHIKHÜN 28:7

Atungpuh ju I sühmüh tüsho I tsung; api kheak I mulongnü kinchoh tüsho I arung ngüa lah; jumonü I mulong tode asühchoh, tüsho khün thsüde inü api shibah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 50:1

Wuto Atungpuh , Thrünpuhnü asukchoh; apinü alomi athrünkhi aniakhiuklimnü aniyüzahlim khiungde jichoh.

MUNGSHIKHÜN 52:7

“Thrünpuh ju nihbuh sühmüh müthsükhi mihtsürü ha ching lah, tüshe api lakhit suhdahkhi ching kin, tüsho api mihbukmuyuk ching düküngde kam.”

MUNGSHIKHÜN 66:1

Alomi alalanü asühachihde Atungpuh ki zhiang;

MUNGSHIKHÜN 67:4

Trükshihbo asühshang tüsho asühachihde khün thsüshang, tümüde nünü thiyuro-lungkinü mihtsürü mahkhapchoh tüsho alomi trükshihbo bechoh.

MUNGSHIKHÜN 8:1

O Atungpuh , isa Tungpuh, alomi alala ching küdükhüh nü mung thudakkhi la! Yinmibo kumung nünü nü müretah zo!

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

MATHI 22:32

‘I Abraham Thrünpuh, Isak Thrünpuh tüsho Jakob Thrünpuh’? Api ju asherü yo yung tüshe arhang larü Thrünpuh ah.”

FILIPI 4:13

I sühmüh jihbuh hode inü lüpdükhi thsükhuklah.