MUNGSHIKHÜN 79:9 - AMÜSÜH HÜM CL Bible (BSI)

⁹ O isa akhümkhit Thrünpuh, nü mung müretah thsungkheak isa rungang; nü mung chingnü isa bekhitang tüsho isa neakbo dünthsükhijang!

MUNGSHIKHÜN 79:9 Iomraidhean Croise

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

MUNGSHIKHÜN 115:1

Isa kilim yung, O Atungpuh , isa kilim yung, tüshe nü amüthsüm tüsho nü thiyuro dünkheaknü nü mung müretahshang.

MUNGSHIKHÜN 25:11

O Atungpuh , nü mung chingnü I mülimkhi bahjang, tümüde ha tode lah.

MUNGSHIKHÜN 31:3

Nü a I lungto tüsho I chipi, nü mung chingnü I beang tüsho kümang.

MUNGSHIKHÜN 65:3

Küyimki neakbonü isa zhidoa lakheanü, nünü isanü alakmihkhibo neak bahjih.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 48:9

I mung chingnü inü I bukakhiukkhi ashuchoh, I mungshi mung chingnü inü nü thsungkheak tuklochoh, junangde nü müdükheak.

JEREMIA 14:21

Nü mung chingnü, isa düthranean; nü müretah kiulongthsü-binkiu wüntre müjihde düla; lümkhitang tüsho isa kheak trükshih tangzüng düthsümünim.

JEREMIA 14:7

Isa mülimkhibonü isa azhihde thiyumütsan thsüthsü she, O Atungpuh , nü mung chingnü rhimoang; tümüde isa ashitlokhi tode lah tüsho isanü nü azhihde neak yihbeakdo.

EZEKIEL 20:14

Tüshe I mung chingnü rhimode trükshihbo miki mümüneanshihpü inü arü mikinü inü arübo bekhit.

EZEKIEL 20:44

Küyimki inü I mung chingnü nüsa ki rhimorhiyibo tüsho nüsa amütsü limrobo tüsho athsümünim rhimobo yande mürhimobanü, I Atungpuh de nüsanü mükheahbah, O Israel yamkhün, Wuto Atungpuhnü thachoh.

EZEKIEL 20:9

Tüshe I mung chingnü arü lapung trükshihbo miki mümüneanpü inü rhimo tüsho arü mikinü Israelrü Ijip chingnü bekhitde I akhiuka huh.

DANIEL 9:19

O Atungpuh , aniang; O Atungpuh , neak bahjang; O Atungpuh , anijang tüsho rhimoang; nü mung chingnü dashu, O I Thrünpuh, tümütüsho nü kiuto tüsho nü mihtsürübo nü mung chingnü jia lah.”

DANIEL 9:9

Isanü api azhih-a lalashe Atungpuh isa Thrünpuh ju mihmüthsüm tüsho neak bahjihrü lah;

MALAKI 2:2

Nüsanü manisho, nüsanü I mung müretahshihpü mulong ching muzhosho, Wuto Atungpuhnü thachoh, inü nüsa kheak muthrumünean arüshihbah tüsho inü nüsa müngühmühibo muthrumüneanbah; atsütsü inü arübo muthrumüneana bahdo, tümütüsho nüsanü ju mulong ching muzo.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

JIHUSUA 7:9

Kananrü tüsho lomi ching larübonü ha sobah isa zündobah, tüsho alomi chingnü isa mung dükheakshihbah. Dale nü mung ato thsungkheaknü nünü tümü rhimoba?”