MUNGSHIKHÜN 79:8 - AMÜSÜH HÜM CL Bible (BSI)

⁸ O, isa azhihde adüso neakbo dülümkhitjih; nü amüthsüm isa shorupü chithsade arüshang, tümüde isa khide abobe kamshihdo.

MUNGSHIKHÜN 79:8 Iomraidhean Croise

THRÜNTAN 15:16

Nü tsühsoniuso ha ching alode marüchoki lün phüyi labah, tümütüsho inü Amorrü yankhitpü thsüde arü mülimkhi musuhdahyi.”

1 KIULONG THSÜRÜ 17:18

Jumonü alibenü Elija ki tha, “O Thrünpuh mihtsürü, I azhihde nünü tümü thsükhea? Nünü I neak lümkhitloshihpü tüsho I tsührü sheshihpü nü I kilim arükhea de!”

MUNGSHIKHÜN 106:43

Apinü ahihdo ki arü bekhit; tüshe arünü api azhihpü mokhit tüsho neak ching sükde keamyuk.

MUNGSHIKHÜN 116:6

Atungpuhnü mulong thülihrü küma lashihchoh; I thsümütsü ching lachoki apinü I khümkhit.

MUNGSHIKHÜN 130:3

Atungpuh , nünü amülimbo mütsanmükhisho, O Atungpuh , shenü azhipkhukpü?

MUNGSHIKHÜN 142:6

Inü azhikhi aniang, tümüde I khide abobe kamshihdo; I thsümüchirü kheaknü I bekhitang, tümüde I kheaknü arü müranglah.

MUNGSHIKHÜN 21:3

Tümüde nünü müngühmühi atsünü api shoru; nünü suna müthsün kuthran api ku kheak yihkihjih.

MUNGSHIKHÜN 25:7

I athunu neakbo yungsho inü alakmihkhibo dülümkhitjih; nü muzhodakkhi tüsho nü tsükhi ching I lümkhitang, O Atungpuh !

ABEKHIT 32:34

Kheakü inü athakhi dangpung ching mihtsürübo bede yüang, tüsho I yunirü nü müngüh yübah. Judüalalashe, küyimki thsümüchipü kim arübanü, inü arü neak dünkheak arübo thsümüchibah.”

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

EZEKIEL 2:3

Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

YUZÜNGTHALO 28:43

“Khiungkerü nü lung lakhi nü kheaknü achangbe achangbe yükihbah, tüshe nü a abolim abolim akibah.

AMIKHEAKAKHIUKKHI 18:5

tümüde anihbe neakbo thüning khiungde mujunglah, tüsho Thrünpuhnü anihbe mülimkhibo lümkhitdo.