MUNGSHIKHÜN 79:6 - AMÜSÜH HÜM CL Bible (BSI)

⁶ Nü mümükheahkhi trükshihbo kheak, tüsho nü mung müjikhi kiulongthsübo kheak nü bukakhiukkhi dungkihang.

MUNGSHIKHÜN 79:6 Iomraidhean Croise

MUNGSHIKHÜN 14:4

Amütsü rhimorü alala mükheahmudu müla shi, sherübonü yikhap tsühkhi nangde I mihtsürü tsühabahcho, tüsho Atungpuh ki müjicho?

MUNGSHIKHÜN 145:18

Atungpuh a api thiyuro ching jirü alala thüninde lah.

MUNGSHIKHÜN 53:4

Yikhap nangde I mihtsürü tsühabahrü, tüsho Thrünpuh ki müjirü, amülim rhimorübo mükheahmudu müla de?

MUNGSHIKHÜN 69:24

Arü kheak nü bukakhiukkhi dungkihang; nü mulong zhipzhipnü arü tholoang.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 25:29

Kheahang, I mung tamde ajikhi kiuto kheak inü thsümütsü handarüpü tankihchoh, tüsho küde thsah nüsanü thsümüchi tsokhikhukpü? Nüsa müthsümüchidüa müyü, tümüde lomi ching larü alala azhihde inü nukshang jihchoh, Wuto Atungpuhnü thachoh.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

JOHAN 16:3

Tüsho arünü harü nüsa ki rhimobah, tümütüsho arünü I Buh yungsho l mümükheah.

JOHAN 17:25

O thiyuro-lungki Abuh! Alominü nü mümükheah, tüshe inü nü mükheahdo; tüsho nünü I thiyikheah de harünü mükheahlah.

YUNIRÜBO RHIMO 17:23

Tümüde I tsahhochoki nüsanü kingaünkhi kukrukbo inü kheahyuk, tüsho kingaün sadam kheak hade thrütkih-a ngü, ‘Mümükheahkhi thrünpuh kilim.’ Jumonü nüsanü tümü kingaünchonü mümükheahkhi ah de inü nüsa ki zhiyukchoh.

ROMRÜ KILIM PAULNÜ ATHRÜTKHI KIHÜM HUHTANYU 1:28

Kheaküshe, arünü Thrünpuh mükheahmudu zopü athülün de mülümkhi hode amülim rhimopü lümkhi lim jihabah.

1 KORINT 1:2

Korint ching lakhi Thrünpuh borü, arü tüsho isa Atungpuh Jisu Khrista mung jikhi dangpung aban ching alala lung amüsührü thsüpü rukhüh jikhi Jisu Khrista ching tsangkhitrü kilim:

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.