MUNGSHIKHÜN 79:5 - AMÜSÜH HÜM CL Bible (BSI)

⁵ Atungpuh , külokhüh? Lünnü nü bukakhiukba de? Nü mükthsükhi mo nangde atakba de?

MUNGSHIKHÜN 79:5 Iomraidhean Croise

MUNGSHIKHÜN 103:9

Apinü lünnü isa kheak müshochih, yungsho lünnü api bukakhiukkhi muzo.

MUNGSHIKHÜN 6:4

Rholoang, O Atungpuh , I rhangdung bekhitang; nü amüthsüm lakhi hode I khümkhitang.

MUNGSHIKHÜN 74:1

O Thrünpuh, tümüde nünü isa lünnü bahyuka la? Tümüde nü mihtsürü azhihde bukakhiukcho?

MUNGSHIKHÜN 80:4

O Atungpuh Wuto Thrünpuh, nü mihtsürü tamkhüntamnü azhihde külokhüh nü bukakhiukba?

MUNGSHIKHÜN 80:5

Nünü isa mulong rozhak tsühshih, chike pung ato yungshih.

MUNGSHIKHÜN 85:5

Nünü isa ki lünnü bukakhiukba de? Lün alala ching nü bukakhiuk laba de?

MUNGSHIKHÜN 89:46

Külokhüh, Atungpuh ? Nü lünnü ajikba de? Nü mulong zhipzhip mo nangde atakba de?

MUNGSHIKHÜN 89:47

I kim küde khihlanü lümkhitang; tümüde nünü mihtsürü tsührübo akeangkeang ching thrünkhea?

ISAIA 64:9

Müshakde bukdakhiuk, O Atungpuh , tüsho lünnü amülim dülümkhit. Kheakü lümakheahang, isa alala nü mihtsürü.

TÜZHOKHI 5:22

nünü isa shahde bahyuka mülasho, tüsho makekhukpü thsüde bukakhiuka lah yungsho.

EZEKIEL 36:5

jumonü Atungpuh Thrünpuhnü ha thachoh: Inü aningkhi trükshihbo tüsho Edom alala azhihde mükthsükhi chingnü inü asukchoh. Arünü mulong athrünkhinü asühachih tüsho bahyukde I lomi yankhia lu tüsho ha rimlopung arü yamalo thsüpü lu.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEKARIA 1:12

Judüki Atungpuh yunirünü tha, “ O Wuto Atungpuh , nünü kam nerü bukakhiukkhi Jirusalem tüsho Juda kiutobo kheaknü külokhüh nünü mihmüthsüm tholoba?”

YUZÜNGTHALO 29:20

Atungpuhnü api neak mübahjih; tümüde Atungpuh bukakhiukkhi tüsho api mükthsükhi ju mihtsürü kheak alü trubah, tüsho ha hüm ching thrüta lakhi muthrumünean alala api kheak akihbah, tüsho Atungpuhnü api mung thüning khüpnü nankhita bahjihbah.

YUZÜNGTHALO 32:16

Arünü api keomukhuh-a khiungkerü thrünpuhbo kheak abukakhiukshih; arünü athraneanbe rhimode api bukakhiukshih.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=

AMIKHEAKAKHIUKKHI 6:10

arünü düsheak achangnü zhi, “Wuto Atungpuh, amüsüh tüsho thiyuro, isa thiyih dün alomi ching larü kheak mahkhappü tüsho royimpü külokhüh laba?”