MUNGSHIKHÜN 78:71 - AMÜSÜH HÜM CL Bible (BSI)

⁷¹ namfimihnu neakde alakhi chingnü api mihtsürü Jakob, api yamrüplurüp Israel neakshihpü api bede arü.

MUNGSHIKHÜN 78:71 Iomraidhean Croise

THRÜNTAN 33:13

Tüshe Jakobnü api ki alo, “Azürübo sühmüh müdüküng, tüsho mihnu le moshi boto anunu bede I lung belah de I tungpuhnü mükheahlah. Tüsho mihtsürübonü arübo nimung khülangnü müküpde besho, shiwüh alala ashebah.

2 SAMUEL 20:19

I Israel ching mungtsü tüsho thiyuro amuzho lakhi bolung khülang ah; Israel ching lakhi berü kiuto thsümünimpü nünü yimchoh; tümüde nünü Atungpuh yamrüplurüp muyuba le?”

2 SAMUEL 24:17

Küyimki Davidnü mihtsürü thsümünimde alakhi yunirü ju angükhea, apinü Atungpuh ki tha, “I langzünü neak yihbeakdo, tüsho I langzünü mihbukmuyuk rhimodo; tüshe harü namfimihnubonü tümü rhimoa la? Inü tamkhüntamnüchoh, nü khahnü I tüsho I buh yamkhün kheak azhihang.”

2 SAMUEL 5:2

Kim anükhüh thsungkheak, küyimki Saul isa kurungkheak kiulongthsürü lakhea, nünü Israel limbe. Atungpuhnü nü ki tha: nünü I mihtsürü Israel neakbah, nünü Israel kurungkheak yakzan shuhbah.”

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIUTHSÜYUKHEAN 11:2

Kheakü anükhüh kheak thsungkheak, Saul kiulongthsüpuh lalashe, nünü Israel bonungrü thiyukhüm jih. Atungpuh nü Thrünpuhnü nü ki tha: Nünü I mihtsürü Israel neakbah, nü I mihtsürü Israel kurungkheak yakzanshuhrü thsübah.”

MUNGSHIKHÜN 28:9

Nü mihtsürü khümkhitang, tüsho nü yamrüplurüp müngühjang; nü arü neakrü thsang tüsho lünnü arü kümang.

ISAIA 40:11

Apinü api mihnubo ki mihnu neakrünü nangde yimkipbah; apinü namfimihnunubo api bin kheak bemukhungbah, tüsho arübo api khüh kheak hanbah, tüsho namfimihnu abebo mükhihde abebah.

MATHI 2:6

‘Tüshe nü, Juda lomi ching lakhi Bethlehem, Juda yakzanshuhrü bolung aninibe yung; tümüde nü kheaknü I mihtsürü Israel neakpü yakzanshuhrü khülang arübah.’ ”

1 PETER 5:2

Nüsanü akümpü lakhi Thrünpuh namfimihnu boto neakang, mükünde yung tüshe künsahde, thiyuro mülakhi alü thsüpü yung tüshe mulongsahde,

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?