MUNGSHIKHÜN 78:58 - AMÜSÜH HÜM CL Bible (BSI)

⁵⁸ Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

MUNGSHIKHÜN 78:58 Iomraidhean Croise

1 KIULONG THSÜRÜ 11:10

Apinü Solomon ki püpü thrünpuhbo müyanpü thiyukhüm jihjih she, Solomonnü Atungpuh yukhüm manidebah.

1 KIULONG THSÜRÜ 11:7

Judüki Solomonnü Jirusalem aniakhiuklim awung kheak, Moab athraneanbe thrünpuh Kemosh, tüsho Amonrü athraneanbe thrünpuh Molek thsungkheak kingaünpung thsü.

1 KIULONG THSÜRÜ 12:31

Apinü awung achangbo kheak thüyambo she thsü, tüsho Levirü yungde, mihtsürü alala bolungnü amükeamrü zojih.

2 KIULONG THSÜRÜ 17:9

Israel mihtsürübonü aramlimnü Atungpuh arü Thrünpuh azhihde rhimo. Arünü arü kiuto alala ching nihbuh thsungkheak achang dangpungbo aheangsadam kinü chipi ayünkhi kiuto khiungde thsü;

2 KIULONG THSÜRÜ 21:7

Apinü athsükhi Ashera sangthsü anihbuhnü lu tüsho arüngyam ching yuk, küpü Atungpuhnü David tüsho atsührü Solomon ki tha, “Ha yam, tüsho Jirusalem ching, küpü Israel trük alala chingnü inü mokhitkhea, inü lünnü I mung zobah;

2 KIUTHSÜYUKHEAN 21:11

Kheaküshe apinü Juda awung lomi ching achang dangpungbo thsü, tüsho Jirusalem ching larü müthülünde kamshih, tüsho Juda ju bahkhide tsoshih.

MUNGSHIKHÜN 79:5

Atungpuh , külokhüh? Lünnü nü bukakhiukba de? Nü mükthsükhi mo nangde atakba de?

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ABEKHIT 34:14

Püpürü thrünpuh tümü dükingaün, tümüde Atungpuh shepü mung mükthsü lanü, mükthsü Thrünpuh ah.

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

HOSEA 13:2

Tüsho kheakü arünü alü neak yihbeakchoh tüsho arü anikhitkhi yande shotoyinchinü sangthsübo thsüchoh, arü alala rhimorünü athsükhi rhimobo lah, “Harü ki laksah-a kingaünang,” arünü tha. Mihtsürübonü moshi nunubo müthsüpchoh.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

WÜHKHE 33:52

nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

YUZÜNGTHALO 12:2

Nüsanü yankhita bahpü lakhi trükshihbonü arü thrünpuhbo tankihkhi dangpungbo müzüng achangbo ching awungbo tüsho sangdung aphüyak bukkhüp lakhibo alala thsümünima bahjang.

YUZÜNGTHALO 12:4

“Arünü arhimokhi yande nüsanü Atungpuh nüsa thrünpuh dükingaün.

YUZÜNGTHALO 27:15

“‘Shepünü lung, sang tüsho yinchinü thsüa ramde kingaünchonü api muthrumünean thsang; Atungpuhnü sangthsü kingaünkhi thraneanchoh.’ Tüsho mihtsürü alalanü athabah, “Amen!”

YUZÜNGTHALO 32:21

Arünü arü thrünpuh kheak I bukakhiukshih, tüsho arü sangthsü kheak I bukakhiukshih. Jumonü inü arü mihtsürü yungde püpü kheak bukakhiukshihbah; inü arü abünrü trük kheak mükthsüshihbah.

MAHKHAPRÜ 10:6

Judüki Israelrünü kheaküshe Atungpuh miki amütsü rhimo, tüsho Baalbo, Astarbo, Siria thrünpuhbo, Sidon thrünpuhbo, Moab thrünpuhbo, Amon thrünpuhbo tüsho Filistia thrünpuhbo tankih; arünü Atungpuh bahyuk tüsho api mütankih.

MAHKHAPRÜ 2:17

Tütüshe arünü mahkhaprübo yu mani tüsho arünü püpürü thrünpuhbo kheak müzammüram thsü tüsho arü ki khukning. Arünü nahde arü bebuhrünü atsahkhi limro chingnü, Atungpuh yukhüm anikhi chingnü rholode tso; ju ruk arünü mürhimo.

MAHKHAPRÜ 2:20

Jumonü Atungpuhnü Israelrü kheak khide bukakhiukde tha, “ Tümütüsho ha trükshihnü inü arü jipürü ki tangzüngkhi thsümünimdo tüsho I yu mani.

MAHKHAPRÜ 3:19

Tüshe apinü Gilgal thüninde lung-mejak mikinü alode yübah kiulongthsüpuh ki tha, “O kiulongthsüpuh, nü thsungkheak inü aramyu khülang lah.” Jumonü kiulongthsüpuhnü tha, “Dalan!” Tüsho api lung larübonü api mikinü wukhiukabah.