MUNGSHIKHÜN 78:55 - AMÜSÜH HÜM CL Bible (BSI)

⁵⁵ Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

MUNGSHIKHÜN 78:55 Iomraidhean Croise

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

MUNGSHIKHÜN 44:3

Arü nukshangnü lomi kukkhi yung, yungsho arü binnü akuk angükhi yung; ha nü khah tsülim, nü bin tüsho nü miro ayin, tümüde nünü arü muzho.

ISAIA 34:17

Apinü arü thsungkheak azan thsü, api khahnü arü kilim akhude chama jih; arünü ju lünnü amükühbah, lün chingnü lün ju ching arü labah.

WÜHKHE 33:54

Tüsho nüsa buhtsüh ayannü alo yamrüplurüp ju azan thsüde chama luang; buhtsüh torü kilim nünü yamrüplurüp ato jihang, tüsho buhtsüh ninirü kilim anini jihang; mihtsürü aban yamrüplurüp ju nihbuh kheak azan akhiukkhi yande alabah. Nüsanü nüsa buhrü trükbo yande yamrüplurüp luang.

JIHUSUA 13:7

kheakü, ha lo trük tuku tüsho Manase trük chamkhüh kilim nihbuh lo thsüshihpü chama jihang.”

JIHUSUA 19:51

Harü ha amükeambuh Eleazar, Nun tsührü Jihusua tüsho Israel trük guk limberübonü Shilo ching Atungpuh shorupung khimyam ripit kinü azan thsüde achamkhi yamrüplurüp ah. Junangde arünü alo chamkhi arün thsü.

JIHUSUA 21:43

Jumonü Atungpuhnü Israelrü jipürü ki tangzüngkhi nangde alo ju arü kilim jih. Küyimki arünü alo ju alukhea, arü ju ching laabah.

JIHUSUA 23:4

Kheakü aninga lakhi lobo tüsho inü ayankhikhi lobo nüsa trükbo kilim yamrüplurüp jihdo, ju Jordan yung chingnü aniyüzahlim Mediterranean Keto khiunglah.