MUNGSHIKHÜN 78:5 - AMÜSÜH HÜM CL Bible (BSI)

⁵ Apinü Jakob thsungkheak thiyuzüngbo thsü tüsho Israel ching yakzan zo, küpü apinü isa jipürü ki thiyukhüm jih, junangde arü tsührübo ki thsangyupü lakheah;

MUNGSHIKHÜN 78:5 Iomraidhean Croise

THRÜNTAN 18:19

Tümüde inü api mokhit, ju hode arünü alim tüsho thiyuro rhimopü Atungpuh limro zopü api tsührübo tüsho api dunglim ayamkhün ki apinü thiyukhüm jihbah, junangde apinü anihbuh ki alokhikhi lüpdükhi Abraham thsungkheak rhimobah.”

MUNGSHIKHÜN 119:152

Inü nü yakzan thsükhibo dünkheak adüsonü mükheahdo; nünü jurü lünnü alapü thsüjih.

MUNGSHIKHÜN 147:19

Apinü Jakob ki api yu, api yakzan thsükhibo tüsho api mahkhapkhibo Israel ki khipkhitchoh.

MUNGSHIKHÜN 19:7

Atungpuh yakzan ju banthsanglah, hanü sühmüh aso jihchoh; Atungpuh yukhümbo ju mulonglambe, amülarü kilim lümlung jihchoh.

MUNGSHIKHÜN 81:5

Ha apinü Ijip azhihde wukhiukchoki, Josep thsungkheak yakzan khülang thsü, küpü ching isanü mümükheahkhi yutha isanü so.

ABEKHIT 12:27

Nüsanü athabah, ‘Ijip ching apinü Ijiprü laksahchoki Israelrü yambo phunghode yübah isa yambukbo khümkhitkhi Atungpuh kilim phungho-thünio laksah-a kingaünkhi ah.’ ” Jumonü mihtsürübonü khukning tüsho kingaün.

ABEKHIT 25:16

Tüsho sangdan ching ju inü nüsa kilim jihkhi thiyukhümbo thrütkihkhi lungbeak mahne yukang.

ABEKHIT 25:21

Nüsanü sangdan mikheak mihmüthsüm binkiu yihkihbah, tüsho inü ajihpü lakhi lungbeak mahne sangdan ching yukang.

ABEKHIT 40:20

Apinü lungbeak mahne ju lubah tangzüng sangdan ching yuk, sangdan phuhpho ching akhrihbebo yuk, tüsho sangdan mikheak mihmüthsüm binkiu yihkih.

ABEKHIT 40:3

Thiyuzüngbo zahkhi tangzüng sangdan ju ching zoang tüsho ju miki zhindokhim yukang.

ISAIA 38:19

Arhang larünü nü ki makshe jihchoh, inü khihni rhimokhi nangde; buhrübonü tsührübo ki nü thiyuro dünkheak mükheahshihchoh.

ISAIA 8:20

Yakzan tüsho rhangdung-yumütsan thsungkheaknü! Tsükjide, sherünü ha ruk thachonü yapsu müngü!

ROMRÜ KILIM PAULNÜ ATHRÜTKHI KIHÜM HUHTANYU 3:2

Limro aban ching hihde lah. Akhuhde, Jihudarü ju Thrünpuh müchityu bede thiyia lah.

EFISIA 6:4

Buhrübo, nüsa tsührübo bukakhiukpü thsüde düthürüh, tüshe adanyukkhi tüsho Atungpuh thsangdankhi ching arü mütrükhitang.

YUZÜNGTHALO 11:19

Nüsa yam ching binchoki, nüsa limro ching tsahchoki, nüsa ayapchoki tüsho asürüchoki nüsanü harü nüsa tsührübo ki thsangyubah.

YUZÜNGTHALO 31:13

junangde nüsa Jordan hode yübah müküh-a lupü lakhi lo ching nüsa rhangdung lachoki amuyung ha mümükheahrü arü tsührübonü asobah tüsho Atungpuh nüsa Thrünpuh wüntrepü mükheahbah.”

YUZÜNGTHALO 32:46

tüsho apinü arü ki tha, “Inü khihni thiyumütsan jihkhi kheak nüsa mulong zoang, ha yakzan Israel tsührübonü kümkangde anishihpü nüsanü thiyukhüm jihang.

YUZÜNGTHALO 4:45

harü ha Israel mihtsürü Ijip chingnü abekhitshu Mosanü Israel mihtsürü ki thakhi yukhüm, yakzan tüsho yuzüngbo,

YUZÜNGTHALO 6:7

nüsanü jurü nüsa tsührübo ki düshihde athsangyubah, tüsho nüsa thüyam ching binchoki, limro tsahchoki, ayapchoki, tüsho awusuchoki thabah.