MUNGSHIKHÜN 78:49 - AMÜSÜH HÜM CL Bible (BSI)

⁴⁹ Apinü arü bolung athsümünim yunirü arüshihbah arü kheak api mulong zhipzhip, bukakhiuk, tüsho küpkhuk yükihshih.

MUNGSHIKHÜN 78:49 Iomraidhean Croise

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

JOB HU H T ANYU 1:12

Atungpuhnü Arimri ki tha, “ Khide tsülah, api lakhi alala nü wu ching lah, api azhihde nü khah lang düjipkih!” Jumonü Arimrinü Atungpuh mikinü wukhiuk.

JOB HU H T ANYU 20:23

Api buk thsüde amishihpü Thrünpuhnü api bukakhiukkhi api kheak arüshihbah, tüsho api tsühyungchoki api kheak keamkihshihbah.

MUNGSHIKHÜN 11:6

Apinü mihbukmuyuk kheak mokhih tüsho motaklung akishihchoh; apinü apung ataknü arü thsümüchichoh.

ABEKHIT 12:13

Kheakü nüsa lakhi yambo kheak thiyih ju nüsa thsungkheak amütsan khülang thsübah. Küyimki inü thiyih ngübanü inü nüsa phunghode ayübah; tüsho inü Ijip shikchoki nüsa dükheakpü arüm ju nüsa kheak mülade alabah.

ABEKHIT 15:7

Nü wüntre-müretah ato ching nünü nü azhihrübo lahyuka bah; nü bukakhiukkhi yüshihbah müneang nangde arü aniuabah.

ISAIA 42:25

Jumonü apinü arü kheak api bukakhiukkhi thirithsü dungkih. Hanü arü motru ching hingdo tütüshe arünü manikhit; hanü arü aniuabah, tüshe arünü mulong ching muzo.

TÜZHOKHI 4:11

Atungpuhnü abukakhiukkhi dünjishih; apinü bukakhiukkhi thurukhit tüsho Zion ching mo takkih, junü akhimtanbo aniuabah.

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.