MUNGSHIKHÜN 78:34 - AMÜSÜH HÜM CL Bible (BSI)

³⁴ Küyimki apinü arü khürü laksahkheanü, aninga larünü api yim; arünü mulong müthri tüsho azhihayihde Thrünpuh yim.

MUNGSHIKHÜN 78:34 Iomraidhean Croise

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 26:6

Jingnü judodo, junoa larü jingnü, zhochihrü jingdükünü.

JEREMIA 22:23

O Lebanon ching larübo, cedarbo ching sap shurübo, nüsa kheak aliberü thsünükhi nangde thsünü arüchoki nüsa küdükhüh amuzhobe laba!

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 7:14

Arünü mulong chingnü I ki müzhi, tüshe arünü yapkiu kheak tüzhochoh; arünü hi tüsho yukhu thsungkheak nihbuh zangrü tsütchoh; arünü I azhihchoh.

WÜHKHE 21:7

Jumonü mihtsürübonü Mosa kilim arübah tha, “ Isanü Atungpuh tüsho nü azhihde athakhi hode neak yihbeakdo; isa kheaknü phuruto tsoabahshihpü Atungpuh ki tamkhüntamnüjang.” Jumonü Mosa nü mihtsürübo thsungkheak tamkhüntamnü.

MAHKHAPRÜ 4:3

Tüsho Israelrünü Atungpuh ki zhi; tümüde Jabin a yinchi khoralolungbe 900 lakheah, tüsho apinü Israelrü kam muku juno.