MUNGSHIKHÜN 78:19 - AMÜSÜH HÜM CL Bible (BSI)

¹⁹ Am, arünü Thrünpuh azhihde asuk; arünü tha, “Thrünpuhnü sunglo ching dükhüm khülang thsakhamkhukla de?

MUNGSHIKHÜN 78:19 Iomraidhean Croise

2 KIULONG THSÜRÜ 7:2

Judüki kiulongthsüpuh miki arüde alakhi wühkenobuhnü Thrünpuh mihtsürü ki tha, “Atungpuhnü yinmi ching ayinripit thsüthsü she, hadürü dünjikhukba de?” Tüshe apinü tha, “Nünü ju nü müknü angübah, tüshe nünü jurü mütsüh.”

2 KIUTHSÜYUKHEAN 32:19

Arünü Jirusalem Thrünpuh dünkheak mihtsürü khahnü athsükhi lomi mihtsürü thrünpuhbo nangde asuk.

JOB HU H T ANYU 34:37

Tümüde apinü anihbuh neak ching azhihpü yukajakchoh; apinü isa bolung akhah damchoh, tüsho Thrünpuh azhihde api yubo alü kamshihchoh.

MUNGSHIKHÜN 23:5

Nünü I riri miki dükhüm khülang thsakhamchoh, nünü I ku kheak müdangke muju; I pung mikhiukde lah.

ABEKHIT 16:3

Tüsho Israelrünü arü ki tha, “O, isa Ijip lomi ching shih phüh ki binchoki tüsho bukthsüde yikhap tsühchoki Atungpuh khah hode isa müshede! Tümütüsho nünü isa ha boto alala sunglo ching akhümnü asheshihpü bekhitdo.”

WÜHKHE 11:13

Inü hadükhüh mihtsürü kippü shih küchingnü angüba? Tümüde arübonü I ki tripde thachoh, ‘ Isa kilim shih tsühpü jihang!’

WÜHKHE 11:4

Judüki Israelrü bolung khiungkerü khürü hantsah ching bea lakheah. Arübonü shih khide künde kam, tüsho Israelrünü she tripde tha, “Shepünü isa kilim shih jih-a tsühshihba?

WÜHKHE 20:3

Tüsho mihtsürübonü Mosa kheak rukachihde tha, “ Isa she keoniorübo lung Atungpuh miki sheabahkhülaa!

WÜHKHE 21:5

Tüsho mihtsürübonü Thrünpuh tüsho Mosa azhihde tha, “ Tümüde nünü isa sunglo ching sheshihpü Ijip chingnü bede atukhea? Tümüde ju ching jim tüsho ke müla, tüsho yikhap yancho hanü isa mukhiuka lah.”

ROMRÜ KILIM PAULNÜ ATHRÜTKHI KIHÜM HUHTANYU 9:20

Tüshe Thrünpuh ki alokhukpü thsüde mihtsürü khülang ju nüsa she a? Azünkhinü azünbuh ki, “Tümüde nünü I hade azünkhea?” de athaba de?

AMIKHEAKAKHIUKKHI 13:6

Thrünpuh athruajipü tüsho api mung le api lapung tüsho yinmi ching larü athruajipü api mün khimshuh.