MUNGSHIKHÜN 76:6 - AMÜSÜH HÜM CL Bible (BSI)

⁶ O Jakob Thrünpuh, nünü athürühkhinü khorabo tüsho khoraberü chido shea yaplah.

MUNGSHIKHÜN 76:6 Iomraidhean Croise

2 SAMUEL 10:18

Siriarünü Israel müngüh tso; tüsho Davidnü Siriarü lolungbe berü 700, khoraberü 40,000 laksah, tüsho bonungrü limthobuh Shobak yurijih, tüsho api ju ching sheabah.

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

2 KIUTHSÜYUKHEAN 32:21

Tüsho Asiria kiulongthsüpuh binkheampung ching athrungrü thirithsürü alala tüsho limthorü le atorübo dükheakshihpü Atungpuhnü yunirü khülang thiyi. Jumonü api mihmuzho mülakhi ching anihbuh lomi lim alode yü. Küyimki apinü anihbuh thrünpuh yam ching arükhea, api tsührübo khürünü ju kheak nukshangnü api kiumülün.

MUNGSHIKHÜN 104:7

Nünü athürühkhinü arübo tso; nü tsüngmukkhi düsheaknü arü niokhamde tso.

MUNGSHIKHÜN 18:15

O Atungpuh , nünü athürühchoki, nü nupung chingnü sheak mütchoki keto rubo ngüde kam, tüsho alomiküp khimtan aleangkheak lakheah.

MUNGSHIKHÜN 80:16

Ha monü taka lah, ha lipkheama lah; nünü athürühkhi ching arübo dükheakchoh.

ABEKHIT 15:1

Judüki Mosa tüsho Israelrünü ha khün thsü, “Inü Atungpuh ki khün thsübah tümüde apinü müretahde akuk ngüdo; khora tüsho api kheak binrü keto ching jipa yüzahshih.

ABEKHIT 15:10

Nü sheaknü müta arübo ketonü zhidoabah; yinchi mülang nangde arübo ke ato ching keamyuk. @SPACE=

ABEKHIT 15:21

Tüsho Mariamnü arü ki khün thsü: “Atungpuh ki khün thsang, tümüde apinü müretahde kukdo; khora tüsho aberü apinü keto ching jipyuk.”

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

JEREMIA 51:39

Küyimki arü mulong phurubanü, inü arü yungbe zojihbah tüsho arübo masühyi khiungde müshangshihbah tüsho kamruhroro yapshihbah tüsho küyimkishe müyihmusu, Atungpuhnü thachoh.

JEREMIA 51:57

Inü anihbe torübo tüsho lümlung larübo müshangshihbah, kovünorbo she, atorübo tüsho thirithsürübo; arünü kamruhroro yapbah tüsho küyimkishe masürü, kiulongthsüpuhnü thachoh, shepü mung Wuto Atungpuh la.

EZEKIEL 39:20

I dükhüm kheak, nüsa khorabo tüsho aberü, thirithsü mihtsürü tüsho bonungrü mungji aban bukmüthsüyi khiungde atsühbah, Atungpuh Thrünpuhnü thachoh.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

NAHUM 2:13

Kheahang, inü nü azhihde lah, Wuto Atungpuhnü thachoh, tüsho inü nü khora-lolungbebo mokhüh alükde atakbah, tüsho nukshangnü nü yo kekhüzü nunubo muyubah; inü nü shih alomi chingnü akheamshihbah, tüsho nü yunithsürü düsheak musolo.

NAHUM 3:18

Nü yo namfimihnu neakrübo yapshea lah, O Asiria kiulongthsüpuh; nü yo mükheahmudurübo anechoh. Nü mihtsürübo abemukhungrü mülade müzüngbo kheak hiumüzüta lah.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

1 SAMUEL 26:12

Jumonü Davidnü Saul ku ki lakhi thsüh tüsho keluh lubah ane tsoabah. Shenü she ju müngü, yungsho mümükheah, yungsho sheshe masürü; tümüde arübo yapshea lakheah, tümütüsho zhimsah-a ayappü Atungpuhnü arü kheak yükihshih.